Lögreglan
Úr umferðinni
26. janúar 2026
Tuttugu og þrír ökumenn voru teknir fyrir ölvunar- og fíkniefnaakstur á höfuðborgarsvæðinu um helgina. Fimmtán þeirra voru stöðvaðir í Reykjavík, fjórir í Kópavogi, þrír í Hafnarfirði og einn í Garðabæ. Þetta voru tuttugu karlar á aldrinum 19-57 ára og þrjár konur, 19, 23 og 55 ára. Þrír þessara ökumanna höfðu þegar verið sviptir ökuleyfi.
Um helgina voru enn fremur þrír ökumenn sviptir ökuréttindum til bráðabirgða, allt karlar. Tveir ökumannanna, 17 og 19 ára, voru sviptir fyrir ofsaakstur og sá þriðji, 30 ára, var sviptur fyrir ítrekaðan hraðakstur.