Ökufanturinn sem var handtekinn í Kópavogi í gær hefur verið færður í fangelsi en þar hefur hann hafið afplánun vegna annarra mála. Um er að ræða eftirstöðvar fangelsisvistar. Eins og fram hefur komið var manninum, sem er um þrítugt og hefur ítrekað komið við sögu hjá lögreglu, veitt eftirför úr Hafnarfirði og í Kópavogi en þar var för hans stöðvuð í Lindahverfi þegar lögreglan ók á bíl hans en honum hafði ökufanturinn stolið í Árbæ nóttina áður.