Lögreglan á Ísafirði hefur upplýst bílþjófnaðinn og innbrotið sem getið var um í fréttatilkynningu um í morgun.

Innbrotið var í skíðaskálann í Tungudal í nótt og bifreiðinni, sem fannst við sama skíðaskála, hafði verið stolið í Hnífsdal í nótt.

Karlmaður á fertugsaldri var handtekinn um hádegisbilið í dag og hefur verið í yfirheyrslu í dag. Hann hefur viðurkennt að hafa framið verknaðinn. Lögreglan vill færa vökulum vegfarendum og öðrum er lögðu henni lið við rannsókn málsins bestu þakkir.