Markmið æfingarinnar er að efla samhæfingu og viðbragðsgetu helstu viðbragðsaðila á svæðinu við raunverulegar aðstæður.

Æfingin fer að hluta fram í og við Heilbrigðisstofnun Suðurnesja (HSS), auk nærliggjandi svæða þar sem verið er að kanna áfallaþol heilbrigðisstofnunarinnar við atvik að þessu tagi.

Vegna æfingarinnar verður svæðið við smábátahöfnina í Gróf lokað á meðan á henni stendur. Einnig má búast við aukinni umferð viðbragðsaðila á Ægisgötu og í kringum Keflavíkurhöfn.

Íbúar og vegfarendur eru beðnir um að sýna tillitssemi og virða lokanir og fyrirmæli á vettvangi. Athygli er vakin á því að um æfingu er að ræða og getur hún valdið tímabundnum truflunum.

Viðbragðsaðilará svæðinu þakka fyrir skilning og samvinnu allra og sérstaklega íbúa á svæðinu.