Markmiðið er einfalt: að skemmtanir sumarsins verði öruggar, jákvæðar og ofbeldislausar fyrir öll. Góð skemmtun byggist á góðum undirbúningi, jafnt hjá þeim sem halda viðburði sem og hjá gestum. Við hvetjum öll til að líta eftir hvert öðru og huga að því að komast heil og örugg heim að lokinni skemmtun.

👉 Góð skemmtun er örugg og ofbeldislaus. 112 aðstoðar í neyð.

Á 112.is má finna góð ráð fyrir viðburðahaldara og foreldra, ásamt upplýsingum um úrræði fyrir þolendur ofbeldis um land allt. Á island.is má nálgast upplýsingar um tækifærisleyfi sem sækja þarf um til að halda skemmtun eða viðburð þar sem þörf er á eftirliti eða löggæslu.

Við óskum landsmönnum gleðilegs og öruggs sumars.

Nánari upplýsingar um verkefnið veitir Helena Rós Sturludóttir, samskiptastjóri ríkislögreglustjóra, helena.sturludottir@logreglan.is eða í síma 444-2570.