Lögreglan á Vestfjörðum rannsakar eldsvoðann sem varð þann 20. febrúar sl. í iðnaðarhúsnæði að Litlu Eyri á Bíldudal sem íkveikju. Eins og fram kom í fréttum af eldsvoðanum varð eldsins vart skömmu fyrir hádegi þann sama dag og brann tæplega 600 fermetra iðnaðarhúsnæði til grunna. Vettvangsrannsókn lögreglunnar hefur leitt í ljós að eldur hafði verið borinn að húsnæðinu.