Áhafnarmeðlimir geta kært ákvörðunina til kærunefndar útlendingamála en kæra frestar ekki framkvæmd.

Heimferða- og fylgdardeild ríkislögreglustjóra vinnur nú að undirbúningi hennar. Brottvísanir geta verið misflóknar eftir aðstæðum og ríkisfangi og má búast við að framkvæmdin geti tekið allt frá nokkrum dögum til nokkurra vikna.

Áhafnarmeðlimum hefur verið heimilað að yfirgefa skipið og eru á eigin vegum. Þeim er gert að sæta tilkynningarskyldu til lögreglu og halda sig innan höfuðborgarsvæðisins þar til þeim verður brottvísað.