Landspítali
Transteymi fullorðinna
Þjónusta
Transteymi fullorðinna er ætlað þeim sem eru 18 ára og eldri og þurfa kynstaðfestandi heilbrigðisþjónustu. Lögð er áhersla á einstaklingsmiðaða nálgun.
Teymið veitir eftirfarandi þjónustu
Sálfélagslegur stuðningur – Hægt er að óska eftir sálfélagslegum stuðningi hjá sálfræðingi eða félagsráðgjafa ef vandamálið tengist því að vera trans eða kynstaðfestandi þjónustu.
Talþjálfun hjá talmeinafræðingi
Hormónameðferð – Hormónameðferðin byggir annað hvort á testósteróni eða estrógeni.
Skurðaðgerðir – Hægt er að fá tilvísun í eftirfarandi skurðaðgerðir hjá teyminu ef einstaklingur uppfyllir þau skilyrði sem eru sett fyrir hverja aðgerð.
Brjóstnám – Dagdeild skurðlækninga A4
Skafa af barkakýli – Dagdeild skurðlækninga A4
Eistnabrottnám – Kviðarhols- og þvagfæraskurðdeild
Legnám – Kvenlækningadeild, dag- og legudeild
Kynstaðfestandi kynfæraaðgerðir – framkvæmdar erlendis
Meðferðir og skurðaðgerðir framkvæmdar á Landspítalanum eru niðurgreiddar af Sjúkratryggingum Íslands fyrir þau sem eru sjúkratryggð á Íslandi. Upplýsingar um greiðsluþátttöku heilbrigðisþjónustu: https://island.is/greidsluthatttaka-vegna-heilbrigdisthjonustu
Kynstaðfestandi kynfæraaðgerðir eru framkvæmdar erlendis og eru niðurgreiddar af Sjúkratryggingum Íslands í gegnum Siglinganefnd. Upplýsingar um fyrir fram ákveðna læknismeðferð erlendis: https://island.is/s/sjukratryggingar/einstaklingar-fyrir-fram-akvedin-laeknismedferd-erlendis
Upplýsingar um greiðsluþátttöku lyfja má sjá hér: https://island.is/greidsluthatttokukerfi-lyfja
Óska eftir þjónustu
Ekki þarf tilvísun frá lækni til að óska eftir þjónustu teymisins. Beiðni um þjónustu þarf að senda í gegnum Landspítalaappið.
Þegar óskað hefur verið eftir þjónustu teymis, þarf að svara spurningarlista, sem birtist í Appinu svo beiðni verði tekin gild.
Bið eftir fyrsta viðtali er vanalega um 3 mánuðir
Þegar tími hefur verið bókaður færðu skilaboð á Heilsuveru og sérð tímann í Landspítalaappinu.
Nokkrum dögum fyrir viðtalið færðu sendan spurningalista í appinu sem þú þarft að fylla út fyrir komu þína.
Þegar búið er að skrá einstakling í þjónustu teymis fara framtíðar samskipti við teymið fram í gegnum Heilsuveru.
Tenglar