Lyflækningadeildir Landspítala starfrækja formlegt framhaldsnám í lyflækningum, byggt á fyrirmynd JRCPTB.

Námstími: 5 ár

Samstarf: Royal College of Physcians

Marklýsing

- uppfærð og samþykkt í nóvember 2020

Sérnám í lyflækningum er tvískipt

Fyrri hluti er þriggja ára kjarnanám í lyflækningum sem vottað er af Joint Royal Colleges Training Board (JRCTB) og er sambærilegt við Internal Medicine training (IMT) í Bretlandi.

Til þess að ljúka fyrri hluta þarf að uppfylla hæfniviðmið marklýsingar, ljúka gæðaverkefni og hafa hlotið MRCP (UK) Diploma sem fæst með því að ljúka þremur prófum, MRCP part 1&2 (skriflegt) og PACES (verklegt).

Að loknum fyrri hluta geta sérnámslæknar sótt um að komast á seinna stig sérnáms sem er tveggja ára viðbótarnám til fullra sérfræðiréttinda í lyflækningum.

Áherslur

Lögð er áhersla á að veita þjálfun í undirstöðuþáttum lyflækninga og nálgun klínískra vandamála með því að byggja upp færni, trausta dómgreind og fagmennsku.

Sérnámslæknar

• fá innsýn í flestar sérgreinar lyflækninga

• fá innsýn í störf í framlínu við móttöku bráðveikra sjúklinga

• taka þátt í kennslu læknanema og sérnámsgrunnslækna

Sterk hefði er fyrir vísindavinnu samhliða framhaldsnáminu og geta sérnámslæknar fengið tvo rannsóknarmánuði á námstímanum kjósi þeir að stunda rannsóknir meðfram sínu sérnámi.

Staðsetning kennslu

Samvinna er á milli SAk og LSH um sérnám í lyflækningum og er gert ráð fyrir að sérnámslæknar vinni á báðum stöðum nema sérstakar aðstæður leyfi það ekki. Tímalengd námsvista á Sak er samkomulagsatriði en hámarkslengd eru 12 mánuðir