Þjónusta á meðgöngu

Verðandi foreldri getur þurft innlögn vegna vandamála tengdum meðgöngu. Dvölin fer eftir aðstæðum og varir þar til meðferð og áframhaldandi eftirlit hefur verið skipulagt.

Þjónusta eftir fæðingu

• Foreldrar dvelja með nýbura á deildinni í nokkra daga og fá síðan heimaþjónustu ljósmóður.

• Foreldrar barna á Vökudeild dvelja oftast 3-4 daga á deildinni eftir fæðingu.

Áherslur í sængurlegu

• Hvíld og aðlögun að nýju hlutverki.

• Tengslamyndun milli foreldra og barns.

• Farsælt upphaf brjóstagjafar og næring nýburans.

Dvöl maka/aðstandanda

Maka/aðstandanda er velkomið að dvelja á deildinni í sængurlegu eftir að barn er fætt.
Við biðjum skjólstæðinga deildarinnar að hafa eftirfarandi í huga:

• Heimsóknir eru ekki leyfðar á sængurlegudeild

• Myndatökur eru ekki leyfðar á deildinni

• Að virða friðhelgi einkalífsins og ræða ekki mál sem skjólstæðingar kunna að verða vitni að á meðan þeir dvelja á deildinni