Hjartadeild 14EG

Hjartadeild 14EG er eina deild landsins sem sérhæfir sig í þjónustu við sjúklinga með einkenni frá hjarta. Deildin sinnir fyrst og fremst sjúklingum frá Hjartagátt og bráðadeild í Fossvogi. Sjúklingar eru einnig kallaðir inn af biðlista eða koma frá öðrum sjúkrahúsum landsins til sérhæfðrar meðferðar á deildinni.

Meginviðfangsefni

• Kransæðasjúkdómar – bráðir og langvinnir

• Hjartabilun – bráð og langvinn

• Hjartsláttartruflanir margvíslegar

• Hjartalokusjúkdómar

• Hjartavöðvasjúkdómar

• Háþrýstingur

Hjartadeildin starfar náið með Hjartagátt, hjarta- og æðaþræðingastofu og hjartarannsókn við greiningu, meðferð og eftirfylgni einstaklinga með hjartasjúkdóma.

Eftir útskrift og heimaþjónusta

• Stór hluti sjúklinga fær eftirlit og meðferð á göngudeildum eftir útskrift af hjartadeild en það er liður í því að tryggja sjúklingum bestu mögulegu þjónustu.

• Heimahjúkrun og heimaþjónusta sinna fjölmörgum sjúklingum eftir útskrift, einkum þeim sem hafa langvinna hjartabilun.