HERA veitir sérhæfða hjúkrunar- og læknisþjónustu fyrir einstaklinga með langvinna og ólæknandi sjúkdóma. Einnig sinnir HERA sjúklingum í læknanlegri meðferð sem þurfa tímabundna aðstoð vegna erfiðra einkenna. HERA stendur fyrir: Heima, Eftirlit, Ráðgjöf, Aðstoð

Upplýsingar um hvernig fagaðilar geta sótt um Heimaþjónustu HERU er að finna í Gæðahandbók Landspítala.

Þjónusta HERU

• Sólarhringsþjónusta í heimahúsum, með símtölum, tölvusamskiptum og á skrifstofu HERU.

• Vitjanir og samskipti eru skipulögð í samráði við sjúklinga og fjölskyldur þeirra, miðað við þörf hverju sinni.

• Læknar HERU, sem einnig starfa á líknardeild, eru á bakvakt allan sólarhringinn og sinna einkennamati og meðferð á göngudeild eða með heimavitjun.

• Hjúkrunarfræðingar HERU hafa sérþekkingu í líknarmeðferð, fjölskylduhjúkrun og ráðgjöf.

• Stuðningur við sjúklinga og aðstandendur, hvort sem einstaklingur kýs að dvelja eða deyja heima.

• Náið samstarf við aðra meðferðaraðila til að tryggja samfellu í þjónustu og bestu mögulegu umönnun.

Hvað felst í þjónustunni?

• Eftirlit með einkennum og meðferð þeirra.

• Einkennamat og meðferð hjá læknum HERU, annað hvort á göngudeild eða heima.

• Lyfjatiltekt, lyfjapantanir og lyfjagjafir.

• Fræðsla, stuðningur og ráðgjöf.

• Einstaklings- og fjölskylduviðtöl.

• Aðstoð við hjálpartæki og fyrirkomulag heima.

• Tenging við lækna og aðra fagaðila.

• Mat á þjónustuþörf og samhæfing þjónustu.

• Stuðningur við þá sem kjósa að deyja heima og aðstandendur þeirra.

Í samstarfi við heimahjúkrun veitir HERA einnig:

• aðstoð við aðhlynningu

• sárameðferð

• umhirðu á þvagleggjum, drenum og stóma