Deildin sinnir fjölbreyttum hópi sjúklinga sem eiga það sameiginlegt að hafa tapað færni, tímabundið eða varanlega vegna slysa eða veikinda. Stundum er um að ræða marga sjúkdóma samtímis. Dæmi eru:

• Missir útlims

• Langvinn veikindi

• Fjöláverkar

• Mænuskaðar

• Heilaskaðar

• Heilablóðfall

Markmið endurhæfingar eru árangursmiðuð og tímasett

Samvinna starfsmanna og sjúklings miðar að því að ná settu marki með því að samþætta sérþekkingu og framlag hvers og eins.

• Stefnt er að hámarka sjálfsbjargargetu og virkni í daglegu lífi.

• Endurhæfing krefst virkrar þátttöku einstaklinga og þeirra sem standa þeim næst.

• Mikilvægt er að markmið séu eins skýr og unnt er.

• Sett eru tímamörk til viðmiðunar og þau endurmetin reglulega.

• Teymisvinna er sérstaklega mikilvæg vegna þeirra flóknu verkefna sem unnið er að.

Notkun vímuefna, myndatökur og dreifing myndefnis eru alfarið bönnuð á deildinni.

Á Grensásdeild klæðast allir eigin fatnaði

Sjúklingar skulu koma með:

• Hentugan skófatnað með tilliti til þjálfunar

• Sundföt ef nota á sundlaugina

• Eigin föt og aðstandendur sjá um að þvo föt sjúklinga

• Snyrtivörur til eigin nota

• Eigin farsíma, fartölvu og heyrnartól

Ekki er tekin ábyrgð á persónulegum verðmætum nema þau séu afhent starfsfólki til geymslu í læstri hirslu.

Viltu styrkja Grensás

Frekari upplýsingar eru á síðu Hollvina Grensás