Mikil­vægi mannauðs og velferð sjúk­linga

• Mannauður Landspítala er mikilvægasta auðlind spítalans og forsenda framúrskarandi heilbrigðisþjónustu.

• Mannauðsstefna Landspítala styður við hlutverk, framtíðarsýn og gildi spítalans. ​

• Markmið stefnunnar er að skapa eftirsóknarverðan vinnustað og sameiginlega sýn á hvernig Landspítali laðar að, þróar og heldur í hæft starfsfólk. ​

• Á Landspítala er sjúklingurinn ávallt í öndvegi. Til að tryggja góða þjónustu og öryggi sjúklinga hlúum við að starfsfólki, styðjum við fagmennsku, vellíðan og velferð.

Stefnan inniheldur sjö lykil atriði:

Leiðandi forysta

• Stjórnendur okkar gegna lykilhlutverki við að skapa jákvæða vinnustaðamenningu, styðja við starfsfólk og leiða framúrskarandi þjónustu.

• Þeir ganga fram með góðu fordæmi og skýrri framtíðarsýn í takt við stefnu og reglur Landspítala. Stjórnendur virkja starfsfólk sitt til þátttöku og skapa umhverfi þar sem fólk fær tækifæri til að vaxa í starfi.

Starfsfólk í forgrunni

• Við viljum laða að, velja og halda í hæft starfsfólk.

• Við leggjum okkur fram við að taka vel á móti nýju starfsfólki, veita þjálfun og stuðning sem stuðlar að öryggi og árangri í starfi.

• Við hlúum að velferð starfsfólks með fjölbreyttum hætti, heilsusamlegu vinnuumhverfi og tryggjum að starfslok séu fagleg og vönduð.

Öflug teymisvinna

• Við leggjum ríka áherslu á teymisvinnu og nýtum þannig styrkleika hvers og eins.

• Fjölbreytt sjónarhorn og þekking styrkja ákvarðanatöku, bæta öryggi og gæði þjónustunnar.

• Starfsfólk Landspítala vinnur saman sem ein heild með sjúklinginn í öndvegi.

Hæfni og vöxtur

• Við viljum tryggja að starfsfólk Landspítala hafi þá hæfni og þekkingu sem þarf til að veita góða þjónustu jafnt í dag sem og í framtíðinni.

• Starfsfólk fær tækifæri til að þróast í starfi og nýta hæfni sína til fulls. Við leggjum áherslu á símenntun og að skapa umhverfi sem hvetur til vaxtar.

Umbótamenning

• Við viljum vera framsækinn vinnustaður og skapa menningu sem byggir á árangri, umbótum, vísindum og nýsköpun. Árangur í heilbrigðisþjónustu felst í öryggi, gæðum og góðum afköstum, sem styður við stöðuga þróun.

• Starfsfólki er ætlað að taka virkan þátt í umbótum, sýna frumkvæði og leita stöðugt leiða við að bæta þjónustu og vinnuumhverfi.

Góð samskipti

• Við leggjum okkur fram við að stuðla að hvetjandi starfsumhverfi þar sem samskipti byggja á gagnkvæmri virðingu, trausti og umhyggju.

• Við sköpum menningu þar sem starfsfólk getur átt opin og fagleg samskipti. Það geti tjáð hugmyndir, spurt spurninga og lært af atvikum á uppbyggilegan hátt til að auka öryggi og gæði þjónustu.

• Við förum öll eftir samskiptasáttmála Landspítala.

Jafnrétti og inngilding

• Við viljum að jafnrétti, fjölbreytileiki og inngilding endurspeglist í vinnustaðamenningu spítalans.

• Við viljum skapa vinnustað þar sem öll njóta virðingar og hafa jöfn tækifæri til að blómstra í starfi.

Mannauðsstefnan er endurskoðuð á 2 ára fresti.