Undirbúningur fyrir lyfjameðferð (komu á dagdeild gigtarlækninga)

Ef þú:

• hefur fengið sýkingu fyrir áætlaða lyfjagjöf hafðu strax samband við deildina.

• ert veikur eða á sýklalyfjum, hafðu samband og frestaðu lyfjagjöf.

• getur ekki mætt í úthlutaðan tíma, láttu deildina vita

Aðeins sérhæfð lyfjagjöf fer fram á deildinni

• Taktu með afþreyingu, nesti og ef þú vilt, eigin kaffihylki (Nespresso vél er á staðnum)

• Gott er að taka með kodda og teppi fyrir lengri meðferðir

• Stilltu símann á hljóðlaust. Ef þú þarft að tala í síma, vinsamlegast farið fram.

• Ef fylgdarmaður þarf að koma með, hafðu samband við deildina fyrirfram

• Virðið friðhelgi annarra sjúklinga.

Við komu á dagdeildina

• Skráðu þig inn með því að slá inn kennitölu í standi í anddyri Eiríksstaða

• Bíðið á biðstofu þar til þér er vísað inn

• Starfsfólk tekur á móti þér og fylgir í lyfjagjöf

Ferli við lyfjagjöf

Lífsmörk eru mæld og spurningarlista um heilsufar svarað. Tímalengd lyfjagjafa (háð einstaklingi):

• Cyclofosfamid: 3-4 klukkustundir

• Infliximab (Remicade, Flixabi, Remsima): 3,5 klukkustundir í fyrstu fjögur skiptin, eftir það 1-2,5 klukkustundir

• Immunoglobulin (Octagam, Gamunex): 2 til 6 klukkustundir

• Orencia: 1 til 1,5 klukkustundir

• Rituximab (Ruxience): 3,5 til 7 klukkustundir

• Roactemra: 1,5 klukkustundir

Bólusetningar

• Mælt er með að fara í árlegar inflúensu bólusetningar, einnig er mælt með lungnabólgu bólusetningu

• Ekki þarf að taka tillit til tímans á milli lyfjagjafa og bólusetningar.

• Þeir sem eru á líftæknilyfjum mega ekki fá lifandi bóluefni og má þar nefna MMR, kóleru og gulsótt.