Batamiðstöðin er úrræði þar sem notendum geðþjónustu Landspítala er boðið upp á úrval athafna og leiða til að auka almenna vellíðan og lífsgæði. Líta má á Batamiðstöð sem brú út í samfélagið.

Batamiðstöðin býður upp á fjölbreytta dagskrá alla virka daga

Í batamiðstöð verður boðið upp á úrval ólíkra leiða þar sem notendur geta tekið þátt í þeim athöfnum og hreyfingu sem þeim þykir ánægjuleg. Veitt verður einstaklingsmiðuð nálgun með aðgengi notenda að fagmenntuðu starfsfólki sem veita mun þann stuðning sem mikilvægur er á leið fólks til bættrar heilsu.

Batamiðstöðin mun einnig þjóna hlutverki einskonar samfélagskjarna á Kleppi og standa fyrir ýmsum viðburðum og samkomum sem stuðlað geta að aukinni vellíðan.

Dæmi um dagskrá:

• listtengdar tómstundir

• bakstur

• spilastundir

• slökun

Staðsetning

Batamiðstöðin þjónar notendum allra deilda í endurhæfingu geðsviðs á Kleppi. Hún er staðsett á jarðhæð Klepps.

Þar er starfssemi alla virka daga milli 10 og 12 og 13 og 15.

Hafa samband

• Sími: 825 3559

• Netfang: annav@landspitali.is