Votlendi fóstrar mikilvæg vistkerfi og nýtur sérstakrar verndar samkvæmt náttúruverndarlögum.

Votlendi er mikilvægt búsvæði plantna, fugla, fiska og smádýra. Stór hluti fugla á Íslandi byggir afkomu sína að einhverju leyti á votlendi og þar eru oft mjög fjölbreyttar tegundir plantna og smádýra. Í vernd votlendis felst því vernd líffræðilegrar fjölbreytni.

Vernd votlendis er mikilvæg því votlendi er mikilvægt vistkerfi:

• Votlendi er heimili margra fugla, plantna og smádýra.

• Það geymir mikið kolefni og vernd þess kemur í veg fyrir losun gróðurhúsalofttegunda.

• Votlendi temprar vatnsflæði, dregur úr flóðum og eykur vatnsgæði.

• Verndun og endurheimt votlendis hjálpar í baráttunni gegn loftslagsbreytingum.

Með endurheimt raskaðra votlendissvæða fáum við til baka ýmis gæði sem óraskað votlendi gefur okkur:

• Fuglategundir koma til baka.

• Jákvæð áhrif á líffræðilega fjölbreytni.

• Vatnsgæði.

• Binding gróðurhúsalofttegunda.

Besti kosturinn er ávallt að óraskað votlendi fái að vera óraskað áfram.