Skógurinn okkar á Skógardeginum mikla
25. júní 2024
Lagið Skógurinn okkar eftir Hrein Halldórsson varð hlutskarpast í úrslitum lagakeppni Skógardagsins mikla sem voru meðal dagskráratriða á hátíðinni.
![](https://images.ctfassets.net/8k0h54kbe6bj/1fjKLzTR4ulFrspNqhblU2/47fbd73132644a2a47e946696fb5e181/Bjarki_Sigur_sson__slandsmeistari___sk_garh_ggi_2024.jpg?w=50&fm=webp&q=80)
![Bjarki Sigurðsson, Íslandsmeistari í skógarhöggi 2024, hampar sigurlaununum.](https://images.ctfassets.net/8k0h54kbe6bj/1fjKLzTR4ulFrspNqhblU2/47fbd73132644a2a47e946696fb5e181/Bjarki_Sigur_sson__slandsmeistari___sk_garh_ggi_2024.jpg?w=774&fm=webp&q=80)
Ágúst Sigurðsson, forstöðumaður Lands og skógar, setti Skógardaginn mikla að þessu sinni. Að sögn skipuleggjenda fór dagurinn mjög vel fram. Náttúruskólinn bauð upp á margs konar leiki fyrir börn, Ellen á Gíslastöðum teymdi undir börnum sem vildu komast á hestbak og margt fleira var til skemmtunar. Esther Jökulsdóttir og fylgdarsveinar voru með tónlistaratriði á sviði og sömuleiðis fluttu Guðmundur R. og Jón Hilmarsson tónlistaratriði á sviði.
Í ár var efnt til lagakeppni í tilefni af því að nú var Skógardagurinn haldinn í tuttugasta skipti. Undanúrslit voru í aðdraganda Skógardagsins mikla á föstudag en úrslitin á laugardag.
Hlutskarpast varð lagið Skógurinn okkar eftir Hrein Halldórsson.
Í öðru sæti lenti lag sem Arnar Freyr Halldórsson Warén samdi ásamt Sigríði Friðnýju Halldórsdóttur og kallast einfaldlega Skógardagurinn mikli.
Í þriðja sæti varð lagið Á skógardaginn eftir Skógarpúkana.
Íslandsmeistaramótið í skógarhöggi fór fram einnig á Skógardeginum mikla.
Hlutskarpastur varð Bjarki Sigurðsson, verkstjóri hjá Landi og skógi Hallormsstað sem keppti með Husquarna-keðjusög.
Annar varð Mates Ciselar frá Skógarmönnum á Akureyri með Stihl-sög.
Þriðji varð Sigfús Jörgen Oddsson sem keppti fyrir hönd sauðfjárbænda með Husquarna-sögina sína.
Nautakjötið, lambakjötið og pylsurnar runnu vel niður að vanda ekki síður en ketilkaffið og eldbakaðar lummurnar sem sömuleiðis voru á boðstólum að hætti skógarmanna.
Að Skógardeginum mikla standa Félag skógarbænda og Land og skógur Hallormsstað ásamt Félagi nautgripabanda á Héraði og Fjörðum og Félagi sauðfjárbænda á Héraði og Fjörðum.
Meðfylgjandi myndir tók Anna Jakobs á hátíðinni.
![](https://images.ctfassets.net/8k0h54kbe6bj/1BR67T9XBMONILbppCVxiW/f98692846d56502dcd318dc2d43ee5fb/Ungir_gestir_klj_fa_eldivi_.jpg?w=50)
![Ungir gestir kljúfa eldivið](https://images.ctfassets.net/8k0h54kbe6bj/1BR67T9XBMONILbppCVxiW/f98692846d56502dcd318dc2d43ee5fb/Ungir_gestir_klj_fa_eldivi_.jpg)
Ungir gestir kljúfa eldivið.
![](https://images.ctfassets.net/8k0h54kbe6bj/38rUFzD3VgG1hnkWZXdPa3/afc46beb67f61912323525506326724c/Listaverk_unnin___sta_num.jpg?w=50)
![Listaverk unnin á staðnum](https://images.ctfassets.net/8k0h54kbe6bj/38rUFzD3VgG1hnkWZXdPa3/afc46beb67f61912323525506326724c/Listaverk_unnin___sta_num.jpg)
Listaverk unnin á staðnum
![](https://images.ctfassets.net/8k0h54kbe6bj/44Lh1BzGBEnDZHVcDgqM2M/73362d8e5a11632f4657bc6fc9ef4c8e/Fr__h_t__arsv__inu__ar_sem_sk_garh_ggskeppnin_f_r_fram.jpg?w=50)
![Frá hátíðarsvæðinu þar sem skógarhöggskeppnin fór fram](https://images.ctfassets.net/8k0h54kbe6bj/44Lh1BzGBEnDZHVcDgqM2M/73362d8e5a11632f4657bc6fc9ef4c8e/Fr__h_t__arsv__inu__ar_sem_sk_garh_ggskeppnin_f_r_fram.jpg)
Frá hátíðarsvæðinu þar sem skógarhöggskepnin fór fram.
![](https://images.ctfassets.net/8k0h54kbe6bj/4SKUYo6S2PIw1FGdfD1Kn6/1336a08d625e6f4dd2477e4836df2d63/Sk_garp_karnir_fengu__ri_ju_ver_laun___lagakeppni_Sk_gardagsins_mikla.jpg?w=50)
![Skógarpúkarnir fengu þriðju verðlaun í lagakeppni Skógardagsins mikla](https://images.ctfassets.net/8k0h54kbe6bj/4SKUYo6S2PIw1FGdfD1Kn6/1336a08d625e6f4dd2477e4836df2d63/Sk_garp_karnir_fengu__ri_ju_ver_laun___lagakeppni_Sk_gardagsins_mikla.jpg)
Skógarpúkarnir sem lentu í þriðja sæti í lagakeppninni.
![](https://images.ctfassets.net/8k0h54kbe6bj/6nNCridYokKjyU10D9wt03/f79bd386a2abd7f4dcb3edb2e8a038ac/Sk_garlummuger_.jpg?w=50)
![Skógarlummugerð](https://images.ctfassets.net/8k0h54kbe6bj/6nNCridYokKjyU10D9wt03/f79bd386a2abd7f4dcb3edb2e8a038ac/Sk_garlummuger_.jpg)
Lummur steiktar yfir eldi.