Þema ráðstefnunnar að þessu sinni er skógarauðlindin – innviðir og skipulag. Fagráðstefna skógræktar verður nú haldin í samstarfi hinnar nýju stofnunar, Lands og skógar, , Landbúnaðarháskóla Íslands, Skógræktarfélags Íslands, Skógfræðingafélags Íslands og Bændasamtaka Íslands.

Fyrirlestrar og umræður um þema mynda dagskrá fyrri dags ráðstefnunnar en seinni daginn er rými fyrir hvers kyns málefni sem tengjast skógum og skógrækt, rannsóknum, skógtækni og skyldum efnum. Sækja má um pláss í dagskránni fyrir fyrirlestra á sérstöku eyðublaði og sömuleiðis ef fólk vill leggja til veggspjald á veggspjaldakynningu ráðstefnunnar.

• Eyðublað fyrir erindi og veggspjöld

Frestur til að skila inn tillögum að erindum er 31. janúar 2024. Öllum umsækjendum verður svarað í fyrstu viku febrúarmánaðar.

Frestur til að skila inn tilllögum að veggspjöldum er 12. mars 2024.

Skráning á ráðstefnuna hefst fyrri hluta febrúarmánaðar.

Fagráðstefna skógræktar er eins og heitið gefur til kynna vettvangur þekkingarmiðlunar og umræðu í skógargeiranum. Ráðstefnan hefur verið haldin í rúma tvo áratugi og hleypur til milli landshluta frá ári til árs. Á árinu sem nú er að líða var hún haldin í Edinborgarhúsinu á
Ísafirði og þar áður á Hótel Geysi í Haukadal.