Helstu verkefni og ábyrgð

• Áætlanagerð og ráðgjöf.

• Grunnkortlagning, gerð ræktunar- og umhirðuáætlana, kennsla á grunnnámskeiðum fyrir skógarbændur.

• Gæðaúttektir og árangursmat framkvæmda á sviði skógræktar.

• Stuðla að þróun viðarafurða og verðmætasköpun úr skógum.

• Önnur verkefni Lands og skógar.

Hæfniskröfur

• Háskólagráða í skógfræði og reynsla af skógrækt er nauðsynleg.

• Skipulag, frumkvæði og sjálfstæði í vinnubrögðum er nauðsynlegt.

• Jákvæðni og hæfni í mannlegum samskiptum er nauðsynleg.

• Færni í að koma upplýsingum frá sér í ræðu og riti á íslensku og ensku er nauðsynleg.

• Færni í Office-forritum er nauðsynleg.

• Færni í notkun ArcGIS-hugbúnaðar er æskileg.

• Reynsla af verkefnastjórn, ráðgjöf og áætlanagerð er æskileg.

• Sótt er um starfið á Starfatorgi. Umsóknarfrestur er til 26. janúar 2024.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra náttúrufræðinga hafa gert.

• Starfshlutfall er 100%.

• Umsóknarfrestur er til og með 26.01.2024

Um Land og skóg

Land og skógur er þekkingarstofnun sem hefur það meginmarkmið að bæta gróður- og jarðvegsauðlindir þjóðarinnar, nýta land af sjálfbærni, vakta og hafa yfirsýn, draga úr losun og stuðla að bindingu kolefnis og virkja og fræða almenning og hagsmunaaðila um gróður- og jarðvegsvernd, sjálfbæra nýtingu lands, uppbyggingu og endurheimt vistkerfa, skóga og skógrækt.

Land og skógur er með starfstöðvar í öllum landshlutum. Á Vesturlandi eru starfstöðvar Lands og skógar í Hvammi Skorradal og á Hvanneyri.

Markmið Lands og skógar er að vera eftirsóttur vinnustaður fyrir starfsfólk með fjölbreytta menntun og bakgrunn. Þar er starfsfólki búin góð vinnuaðstaða, greiður aðgangur að upplýsingum og fjölbreyttir möguleikar á símenntun

Land og skógur hefur innleitt styttingu vinnuvikunnar og græn skref í ríkisrekstri. Þá hefur stofnunin sett sér umhverfis- og loftslagsáætlun með tímasettum markmiðum ásamt áætlunum um réttindi, vernd og ábyrgð starfsfólks, s.s. áætlanir um áreitni og einelti ásamt viðbrögðum við slíku.

Nánari upplýsingar um starfið veitir Hrefna Jóhannesdóttir hrefna.johannesdottir@landogskogur.is – 626 1016, sviðstjóri ræktunar og nytja.