Dómnefnd keppninnar velur tíu lög sem keppa í handahófskenndri röð til undanúrslita síðdegis föstudaginn 21. júní í Hallormsstaðaskógi, daginn fyrir sjálfan Skógardaginn mikla.

Miðað er við að höfundum þeirra tíu laga sem dómnefnd velur verði tilkynnt ekki síðar en 3. júní að þau lög verði flutt í undanúrslitunum.

Áheyrendur velja þrjú lög af þessum tíu til úrslita. Þau lög verða flutt á Skógardeginum mikla 22. júní og keppa þar til úrslita. Höfundar sjá um flutning á lögum sínum og verðlaun verða veitt fyrir þrjú bestu lögin.

Hugmyndin er að sjálft sigurlagið geti orðið einkennislag Skógardagsins mikla. Skógardagurinn öðlast flutnings- og afnotarétt af laginu en höfundur heldur höfundarrétti sínum að öðru leyti.

Þátttökureglur

Lög sem send eru í keppnina skulu vera:

• frumsamin, bæði lag og texti

• að hámarki þrjár og hálf mínúta að lengd

Skil á lögum í keppnina:

• Skráarform: mp3 eða mp4

• Upplýsingar um höfund eða höfunda

• Sent á netfangið skogardagurinn@gmail.com

Nánari upplýsingar:

Bergrún Arna Þorsteinsdóttir
sími: 892 3523
netfang: begga@logs.is