Hátt í 250 börn komu með bangsana sína í vitjun á Bangsaspítalann um síðastliðna helgi. Bangsaspítalinn er á vegum Lýðheilsufélags læknanema og var staðsettur á 5. hæð heilsugæslunnar á Akureyri.

Markmiðið með Bangsaspítalanum er annars vegar að fyrirbyggja hræðslu hjá börnum við lækna og heilbrigðisstarfsfólk og hins vegar að gefa læknanemum tækifæri á að æfa samskipti við börn.

Mikil ánægja var með þetta framtak hjá börnunum og eru læknanemar hæstánægðir með aðsóknina og fá að nýta aðstöðuna hjá HSN.