Þessi erindi eru nú öll aðgengileg þeim sem vilja kynna sér aðgengilega útgáfu. NIPI er samstarfsverkefni fimm norrænna systursafna sem öll bera ábyrgð á að gera bækur og annað lesefni aðgengilegt þeim sem ekki geta lesið prentað letur sér til gagns.

Af hverju ættu útgefendur að gera bækur sínar aðgengilegar? Með því ná þeir til fjölbreyttari lesendahóps og fjölga þar með viðskiptavinum sínum og gera vörur sínar nothæfar og áhugaverðar fyrir alla. Einnig kallar lagaumhverfi nánustu framtíðar á aðgerðir meðal útgefenda, ritstjóra, höfunda og dreifingaraðila til að leggja áherslu á útgáfu án aðgreiningar frá grunni.

Til að framleiða aðgengilegar bækur þarf bæði skilning á þörfum lesenda og hagnýta þekkingu á því hvernig hægt er að taka á þeim. Aðaláhersla Include! ráðstefnunnar var því á að fræða og upplýsa hagsmunaaðila um hvernig best sé að feta þessa slóð til aðgengilegri framtíðar fyrir alla. Til að hlusta og horfa á fyrirlestrana má smella á slóðina https://nipi.care/conference/conference-program/.