Fólk sem getur ekki nýtt sér prentað letur getur átt rétt á aðgangi að Hljóðbókasafni Íslands. Í þessum hópi er meðal annars

• Lesblint fólk

• Blint og sjónskert fólk

• Fólk með taugaþroskaraskanir sem ekki getur nýtt sér prentað letur

Skilyrði

Skila þarf inn umsóknareyðublaði ásamt undirrituðu vottorði af fagaðila. Á vottorðinu skal koma skýrt fram ástæða þess að umsækjandi geti ekki nýtt sér prentað letur.

Eingöngu skal skila inn vottorði en ekki greiningunni sjálfri.

Gjöld

Árgjald safnsins er:

• 2.500 krónur fyrir fullorðna fyrir fullorðna

• Frítt fyrir börn undir 18 ára aldri

Krafa er stofnuð í heimabanka lánþega þegar hann hefur verið skráður. Aðgangur er opnaður þegar krafa hefur verið greidd.

Umsóknarferli

Rafrænt

Hægt er að sækja um með rafrænum skilríkjum og jafngildir það undirskrift. Rafræn umsókn barns yngra en 18 ára fer fram í gegnum forsjáraðila. Þegar skráður forsjáraðili sækir um með rafrænum hætti velur hann kennitölu þess barns sem hann er að sækja um fyrir.

Á pappír

Einnig er hægt að sækja um á pappír. Umsókn skal undirrituð og henni skilað til safnsins. Ef umsækjandi er yngri en 18 ára þarf undirskrift forsjáraðila

Umsókn og vottorði skal skila saman.

Þú mátt senda það

• Í tölvupósti til hbs@hbs.is

• Með almennum pósti til:

Hljóðbókasafn Íslands
Útlánadeild
Digranesvegi 5
200 Kópavogi

Hægt er að óska eftir því að fá eyðublaðið útprentað og heimsent í gegnum hbs@hbs.is