Hún mætti formlega til starfa mánudaginn 16. mars og leysir af hólmi Einar Hrafnsson sem var skipaður forstöðumaður meðan ráðningarferli stóð yfir. Marín Guðrún lauk B.A. prófi í íslensku frá Háskóla Íslands (1993), M.A. prófi í enskum bókmenntum frá Háskólanum í Leeds (1995), diplómanámi í hagnýtri fjölmiðlun frá HÍ (1996) og M.A. gráðu í hagnýtri menningarmiðlun frá Háskóla Íslands (2017).

Hún hefur meðal annars starfað sem blaðamaður, menningar- og ferðamálafulltrúi Hafnarfjarðarbæjar, verkefnastjóri hjá Lögmannafélagi Íslands og sem sjálfstætt starfandi fræðimaður.