Sú bók sem markaði þessi tímamót hjá Þórunni og var bók númer 500 er Nýsköpun og frumkvöðlafræði eftir Óttar Ólafsson.

Á safninu starfa að jafnaði um 30 lesarar í verktöku og hefur Þórunn lesið fyrir safnið um langt skeið. Með viðurkenningunni vill safnið þakka fyrir framúrskarandi lestur og minna á mikilvægi þess að allir hafi rétt á upplýsingum og bókum. 

Hljóðbókasafn Íslands er aðgengissafn og hét áður Blindrabókasafn Íslands. Það þjónar skv. lögum eingöngu þeim sem ekki geta nýtt sér prentað letur og gegnir þannig mikilvægu hlutverki fyrir blinda, sjónskerta og þá sem ekki geta nýtt sér prentað letur. Sérstök áhersla er lögð á námsbækur en jafnframt að bókakostur sé sem fjölbreyttastur. 

Viðurkenningin fór fram í húsakynnum safnsins að Digranesvegi 5 þriðjudaginn 1. desember kl. 14