Greinargerð um meðferðarheimilið í Varpholti og á Laugalandi fjarlægð af heimasíðu GEV
12. apríl 2024
Í samræmi við fyrirmæli í úrskurði Persónuverndar hefur greinargerð um meðferðarheimilið í Varpholti og á Laugalandi verið fjarlægð af heimasíðu GEV.
![](https://images.ctfassets.net/8k0h54kbe6bj/oLSHCUEkWvnz58MIJnzwE/ac8a5972ef2e50fd0faaab06e69c9880/20231001_183735.jpg?w=50&fm=webp&q=80)
![Foss-GEV](https://images.ctfassets.net/8k0h54kbe6bj/oLSHCUEkWvnz58MIJnzwE/ac8a5972ef2e50fd0faaab06e69c9880/20231001_183735.jpg?w=774&fm=webp&q=80)
Í febrúar 2021 samþykkti þáverandi ríkisstjórn tillögu þáverandi félags- og barnamálaráðherra að fela þáverandi Gæða- og eftirlitsstofnun félagsþjónustu og barnaverndar (GEF) að kanna hvort og þá í hvaða mæli börn, sem vistuð voru á meðferðarheimilinu Varpholti/Laugalandi á árunum 1997 til 2007 hafi sætt illri meðferð, andlegu eða líkamlegu ofbeldi meðan á dvöl þeirra stóð.
Þann 1. janúar 2022 tók Gæða- og eftirlitsstofnun velferðarmála (GEV) við verkefninu af GEF með gildistöku laga nr. 88/2021, um Gæða- og eftirlitsstofnun velferðarmála. GEV annaðist meðal annars lokafrágang og birtingu greinargerðarinnar. Þann 14. september 2022 var greinargerðin birt á vefsíðu GEV og var hún aðgengileg þar fyrir almenning til 20. desember 2023 en þann dag var hún fjarlægð af vef GEV í samræmi við fyrirmæli í úrskurði Persónuverndar sem kveðinn var upp 14. desember 2023. Í þeim úrskurði Persónuverndar var GEV meðal annars gert að fjarlægja greinargerðina af vefsíðunni en jafnframt lagði Persónuvernd bann við frekari notkun og dreifingu hennar. Í samræmi við fyrirmæli í úrskurðarorði var greinargerðin því fjarlægð af vef GEV 20. desember 2023, líkt og fyrr segir, og var Persónuvernd tilkynnt um það.
Hér má nálgast úrskurð Persónuverndar: https://www.personuvernd.is/urlausnir/vinnsla-personuupplysinga-af-halfu-gaeda-og-eftirlitsstofnunar-felagsthjonustu-og-barnaverndar-og-sidar-gaeda-og
Rétt er að taka fram að GEV harmar þá stöðu sem komin er upp sem felur það í sér að almenningur hefur ekki lengur aðgang að greinargerðinni um meðferðarheimilið í Varpholti og á Laugalandi en stofnunin er eðli málsins samkvæmt bundin af fyrirmælum í úrskurði Persónuverndar.
Fyrir hönd Gæða- og eftirlitsstofnun velferðarmála,
Herdís Gunnarsdóttir forstjóri.