Leiðir til að bæta fjármálin

Ef stefnir í vanskil getur þú leitað til þeirra sem þú skuldar (kröfuhafa) og athugað hvaða úrræði eru í boði. Einnig getur verið nauðsynlegt að forgangsraða greiðslum.

Forgangsraða greiðslum

Ef þú getur ekki staðið í skilum með allar skuldir þarf að forgangsraða greiðslum.

• Í forgangi ættu að vera útgjöld tengd heimilinu, eins og afborganir veðlána og húsaleiga. Sé kostur á, er mikilvægt að greiða fasteignagjöld, hússjóðsgjöld og brunatryggingaiðgjöld (slíkar kröfur njóta lögveðsréttar í fasteign).

• Öðru má forgangsraða sem dæmi með að greiða fyrst elstu kröfurnar eða greiða inn á kröfur með hæstu vexti og kostnað.

Ef greiðsluvandi er:

• tímabundinn er hægt að kanna möguleika á að semja um frestun greiðslna eða um aðrar skilmálabreytingar.

• viðvarandi eða fyrirséður er hægt að fá ráðgjöf hjá umboðsmanni skuldara.