Álitamál eða ágreiningur getur komið upp milli viðskiptavinar og skoðunarstofu eða endurskoðunarverkstæðis um framkvæmd eða niðurstöðu skoðunar á ökutæki.
Málsmeðferð
Hægt er að senda inn kvörtun vegna skoðunar ökutækis til Samgöngustofu samkvæmt 47. grein reglugerðar um skoðun ökutækja nr. 414/2021. Meðferð slíkra mála fer fram með eftirfarandi hætti:
Viðskiptavini ber ávallt að beina kvörtun sinni fyrst til skoðunaraðila og leita lausnar og niðurstöðu hjá stjórnendum skoðunaraðila
Ef svör frá skoðunaraðila teljast ekki fullnægjandi að mati viðskiptavinar er hægt að leita til Samgöngustofu
Málsmeðferð Samgöngustofu tekur eingöngu til skylduskoðana ökutækja.
Beiðni þarf að berast innan 30 daga frá því að niðurstaða skoðunaraðila liggur fyrir
Samgöngustofa byggir afgreiðslu á þeim gögnum sem fylgja erindinu og leitar eftir sjónarmiðum málsaðila eftir þörfum. Í sumum tilvikum kann að vera óskað eftir að skoðun ökutækis verði endurtekin
Möguleg niðurstaða
Samgöngustofa metur hvort niðurstaða skoðunar standi óbreytt eða henni verði breytt.
Ef ástæða þykir til gæti þurft að færa ökutækið aftur til skoðunar
Samgöngustofa úrskurðar ekki eða tekur afstöðu til mögulegs bótaréttar í einstökum málum
Þjónustuaðili
Samgöngustofa