Umsókn um frestun eða niðurfellingu álagningar vanrækslugjalds

Sækja skal um frestun eða niðurfellingu álagningar vanrækslugjalds áður en það er lagt á. Ekki er hægt að sækja um frest eða niðurfellingu ef meira en tveir mánuðir eru liðnir. 

Hægt er að sækja um frestun álagningar vanrækslugjalds af eftirfarandi ástæðum:

• Skráð lögheimili eiganda/umráðamanns er meira en 80 km frá næstu skoðunarstöð.

• Aðrar sérstakar ástæður. Rökstuðningur og skýringar þurfa að fylgja.

Ekki er veitt frestun álagningar af eftirfarandi ástæðum:

• Bágur fjárhagur eiganda/umráðamanns.

• Viðkomandi hafi fengið greiðsluaðlögun.

• Eiganda/umráðamanni var ekki kunnugt um reglur um álagningu vanrækslugjalds.

• Eigandi/umráðamáður gat ekki  fært ökutækið til skoðunar vegna fjarveru.

Niðurfelling vanrækslugjalds er aðeins möguleg ef skráning ökutækis eða aðrar upplýsingar sem álagningu gjaldsins fylgir eru ekki réttar.

Athugið að frestur er aðeins veittur í einn mánuð frá álagningu eða lengst í tvo mánuði frá álagningu ef lögheimili er í meira en 80km fjarlægð frá skoðunarstöð. 

Sé beiðni synjað

Sé beiðni um frest eða niðurfellingu synjað má óska eftir beiðni um endurskoðun á synjun embættisins um frest eða niðurfellingu álagningar vanrækslugjalds. Beiðnin þarf að hafa borist innan tveggja mánaða frá því að beiðni um frestun/niðurfellingu var synjað til að heimilt sé að taka hana til greina.