Geðrækt

Vinir Zippýs

Vinir Zippýs (Zippy's Friends) er námsefni í félags- og tilfinningafærni fyrir börn á yngsta stigi í grunnskóla. Margir leikskólar hafa einnig nýtt efnið fyrir elstu börnin.

Bresku samtökin Partnership for Children halda utan um námsefnið á heimsvísu. Það er kennt í yfir 30 löndum víða um heim, þar á meðal á Íslandi.

Vinir Zippýs á Íslandi

Vinir Zippýs hafa verið kenndir í íslenskum skólum frá árinu 2007. Námsefnið hefur notið mikilla vinsælda og er meðal þess námsefnis sem mest hefur verið notað í lífsleikni og til að efla félags- og tilfinningafærni yngstu barna í grunnskólum.

Námsefnið

Námsefnið skiptist í sex námsþætti og hver námsþáttur inniheldur fjórar kennslustundir. Alls eru því 24 kennslustundir í námsefninu.

Kennarar frá:

• nákvæmar kennsluleiðbeiningar

• tilbúin heimaverkefni

• ýmislegt aukaefni til að nýta við kennsluna.

Kennarar þurfa að sækja námskeið hjá embætti landlæknis til að fá leyfi til að nota námsefnið við kennslu.

Aðkoma foreldra

Gert er ráð fyrir þátttöku foreldra í námsefninu. Að loknum hverjum námsþætti, eða eftir fjórðu hverja kennslustund, fá börnin heimaverkefni til að vinna með foreldrum sínum.

Foreldrar fá einnig kynningarefni um námsefnið og kennarar eru hvattir til að kynna umfjöllunarefni þess fyrir þeim.

Nánari upplýsingar

Lesa má nánar um Vini Zippýs í skýrslu embættis landlæknis um námsefni og heildarskólanálgun til að efla félags- og tilfinningafærni barna í skólastarfi. Þar kemur fram að Vinir Zippýs er meðal þess námsefnis sem er hvað best stutt rannsóknum af því námsefni í félags- og tilfinningafærni sem stendur skólum til boða á Íslandi.

Einnig má benda á stutta grein um áhuga og nýtingu á Vinum Zippýs í íslenskum skólum sem birtist í Netlu – veftímariti um uppeldi og menntun.

• Sagan á bak við verkefnið Vinir Zippýs

• Kynning á námsefninu Vinir Zippýs

• Hugmyndafræðin bak við námsefnið Vinir Zippýs

• Að geta bjargað sér

Frekari upplýsingar veitir Sigrún Daníelsdóttir, verkefnastjóri geðræktar