Geðrækt - ráðleggingar embættis landlæknis

Leiddar hugleiðsluæfingar til að hlusta á: Bæði núvitundar- og sjálfsumhyggjuæfingar.

Meðvituð augnablik: Notendur fá send skilaboð daglega sem hjálpa þeim að tengjast núlíðandi augnabliki stutta stund í senn. Notendur ráða hvort og hversu oft skilaboðin koma.

Æfingar úr jákvæðri sálfræði: Þrír góðir hlutir, styrkleikagreining, styrkleikaæfing og æfing sem ýtir undir þakklæti og félagstengsl.

Æfingarnar koma aðallega frá jákvæðri sálfræði og núvitund.

Til stendur að gera rannsókn á áhrifum HappApp árið 2026. Fyrri rannsóknir á sambærilegum æfingum benda til þess að þær geti meðal annars aukið andlega vellíðan og hamingju og dregið úr einkennum streitu og þunglyndis.

Höfundur appsins er Helga Arnardóttir en hún er með mastersgráðu í félags- og heilsusálfræði og diplómagráðu í jákvæðri sálfræði.

Appið er þróað í samstarfi við sérfræðinga á lýðheilsusviði embættis landlæknis.

HappApp er einnig hluti af evrópsku samstarfsverkefni, JA MENTOR, en það felur í sér samvinnu átta landa að Íslandi meðtöldu við notendaprófanir, þróun og rannsókn á appinu. Þjóðirnar sem taka þátt með Íslandi eru Noregur, Spánn, Ítalía, Ungverjaland, Grikkland Rúmenía og Úkraína. Appið verður í boði á tungumálum þessara þjóða auk íslensku og ensku.

Evrópuverkefnið JA MENTOR.

Vefsíða HappApp