Framtíðarstefna Samgöngustofu 2025-2029

At the Icelandic Transport Authority, a dedicated and capable team of employees works together towards common goals and shared success. We are committed to being an employer of choice, where trust, respect, and a positive outlook foster a professional, supportive, and motivating working environment.

The Human Resources Policy of the Icelandic Transport Authority is based on six key objectives that promote a strong workplace culture and support the effective delivery of the Authority’s responsibilities and services.

• Respect and Equal Opportunities: The Icelandic Transport Authority places strong emphasis on respect, equality, and fairness in all its activities. Employees enjoy equal opportunities for employment, development, and advancement regardless of gender, age, background, disability, sexual orientation, or other individual characteristics. A systematic effort is made to create a diverse and supportive working environment where different perspectives are valued and work–life balance is respected.

• Team for the Future: Recruitment at the Icelandic Transport Authority is based on professional, transparent, and well-structured processes, with the aim of hiring competent and ambitious employees who share the organization’s values. New employees receive targeted support to help them settle into their roles and become familiar with the operations and culture of the organization. The objective of the Icelandic Transport Authority is to attract, develop, and retain a strong and diverse workforce that supports the organization’s activities into the future.

• Development and Growth: The Icelandic Transport Authority places strong emphasis on the development and growth of its employees through targeted competence building, knowledge sharing, and opportunities for increased responsibility. Professional development is supported through diverse assignments, regular feedback, and training that strengthen both employees’ capabilities and the Authority’s ability to meet evolving requirements and challenges.

• Satisfaction and Well-being: Emphasis is placed on a work environment that supports well-being, job satisfaction, and healthy communication. It is important that employees experience support, respect, and flexibility in their work, as circumstances allow. Good communication, trust, and active collaboration are key prerequisites for a positive workplace culture and successful outcomes.

• Results-Driven Culture: The culture of the Icelandic Transport Authority is founded on professionalism, accountability, and continuous improvement. Through clear objectives, active collaboration, and purposeful working practices, we strive to achieve results and deliver high-quality services to the society. Employees are encouraged to show initiative, work collaboratively, and contribute to continuous improvement in their daily work.

• Strong Leadership: Managers play a key role in providing clear direction, fostering a motivating work environment, and promoting a positive workplace culture. Emphasis is placed on professional, responsible, and people-centered leadership built on trust, respect, and effective communication. Managers support employees through clear delegation of authority, regular feedback, and ongoing dialogue about performance and development.

_{STE-0016 version 4}

Samgöngustofa er öryggisstofnun samgangna á Íslandi. Samskiptastefnan felur í sér áætlun um samskipti innan stofnunar og utan, við fjölmiðla, viðskiptavini og almenning. Stefnan styður stefnumörkun og skuldbindingar stofnunarinnar og hafi gildin jákvæðni, fagmennska, traust og virðing að leiðarljósi.

Samgöngustofa skal vera til fyrirmyndar í samskiptum og vanda til allrar upplýsingagjafar. Starfsfólk, fjölmiðlar, hagaðilar og almenningur fái réttar, skýrar og skiljanlegar upplýsingar um mál sem það varðar og njóti nauðsynlegra leiðbeininga og markvissrar fræðslu. Aðgangur að upplýsingum sem varða starfsemi Samgöngustofu sé greiður í samræmi við gildandi lög um stofnunina, upplýsingalög, stjórnsýslulög og lög um persónuvernd.

Samgöngustofa ræktar tengsl við hagaðila og á við þá stöðug og virk samskipti. Stofnunin hefur frumkvæði að upplýsingamiðlun eftir því sem tilefni er til, setur upplýsingar fram tímanlega, með margvíslegum hætti og eins og viðeigandi er hverju sinni út frá þörfum notandans.

Forstjóri Samgöngustofu ber heildarábyrgð á samskiptastefnunni og endurskoðun hennar. Samskiptastjóri ber ábyrgð á samræmdri upplýsingamiðlun og fylgir samskiptastefnunni eftir. Stjórnendur sýna gott fordæmi og bera ábyrgð á að skapa aðstæður fyrir góð samskipti og upplýsingagjöf. Allt starfsfólk skal við störf sín taka mið af stefnunni og samskipti inn á við og út á við grundvallast á gildum Samgöngustofu.

STE-0002 útg. Nr. 1

Samgöngustofa hefur jafnrétti alls starfsfólks að leiðarljósi í störfum sínum. Hver einstaklingur skal metinn að verðleikum án tillits til uppruna, þjóðernis, litarháttar, trúarbragða, stjórnmálaskoðana, kynferðis, kynhneigðar, aldurs, efnahags, ætternis, fötlunar, heilsufars eða annarrar stöðu. Samgöngustofa leggur sérstaka áherslu á jafna stöðu og jafnan rétt kynjanna og fer stofnunin eftir lögum nr. 150/2020 (jafnréttislög). Áherslan á jafnrétti kynjanna skal vera sýnileg í allri starfsemi stofnunarinnar. Skipa skal jafnréttisfulltrúa og jafnréttisnefnd sem hefur það hlutverk að endurskoða árlega jafnréttisáætlun og fara yfir stöðu jafnréttismála innan stofnunarinnar.

Í öllu starfi Samgöngustofu skal unnið gegn viðhorfum sem leiða til aðstöðumunar kynjanna í þjóðfélaginu. Jafnréttismál og leiðir til að vinna að jafnri stöðu kynjanna skal vera virkur þáttur í mannauðsstefnu Samgöngustofu.

Jafnréttisáætlun er aðgengileg öllu starfsfólki á innra neti. Í áætluninni koma fram markmið og aðgerðir til að tryggja starfsfólki Samgöngustofu þau réttindi sem kveðið er á um í jafnréttislögunum.

Leiðarljós Samgöngustofa vill laða að sér, þjálfa og halda í hæft og hæfileikaríkt starfsfólk með því að bjóða upp á gott vinnuumhverfi, góðan starfsanda og verkefni sem höfða til starfsfólks. Skal jafnrétti og jafnræði kynjanna virt í hvívetna og öll kyn skulu hafa jöfn tækifæri til að njóta eigin atorku og þroska hæfileika sína óháð kyni.

Markmið jafnréttisáætlunar Samgöngustofu gagnvart starfsfólki

Tilgangur jafnréttisáætlunar gagnvart starfsfólki er að tryggja jafnrétti kynjanna innan stofnunarinnar, að jafna stöðu og virðingu kynjanna og að stjórnendur og starfsfólk sé meðvitað um mikilvægi þess að allir fái notið sín óháð kyni. Rannsóknir sýna að vinnuandi og framlegð er meiri á vinnustöðum þar sem jafnrétti ríkir og mannauður er samansettur af öllum kynjum.

Launajafnrétti Stefna Samgöngustofu er að öll kyn skuli njóta sambærilegra kjara og réttinda fyrir jafn verðmæt og sambærileg störf. Við ákvörðun launa skal huga sérstaklega að því að kynjum sé ekki mismunað. Laun og aðrar ákvarðanir sem hafa áhrif á kjör skulu byggjast á málefnalegum forsendum, óháð kyni.

Til að framfylgja markmiði skal mannauðsstjóri meta árlega hvort laun uppfylli stefnu um launajafnrétti. Þá getur jafnréttisfulltrúi óskað eftir slíkri endurskoðun í tengslum við ákveðna starfsmenn telji fulltrúi tilefni til.

Ráðning og þróun í starfi

Tryggja skal jafnrétti við ráðningar og hæfasti umsækjandinn sem völ er á hverju sinni, ráðinn. Í öllum auglýsingum á vegum Samgöngustofu skal gæta jafnræðis allra hópa og jafnrar virðingu kynjanna. Í atvinnuauglýsingum skal koma fram að störf standa opin jafnt konum, körlum og fólki með hlutlausa skráningu kyns í þjóðskrá. Vinna skal markvisst að því að jafna kynjahlutfall innan mismunandi sviða og verkefna og meðal stjórnenda.

Í mannauðsstefnu Samgöngustofu er lögð áhersla á endurmenntun, símenntun og starfsþróun í starfi. Það er stefna Samgöngustofu að allt starfsfólk njóti sömu möguleika til endurmenntunar, símenntunar og starfsþróunar.

Jafnvægi starfs og einkalífs

Gert er ráð fyrir því að foreldrar ungra barna taki sér það fæðingarorlof sem þeir eiga rétt á samkvæmt lögum og eru feður sérstaklega hvattir til að nýta sér rétt sinn til fæðingarorlofs. Stofnunin hvetur allt fólk til að vera heima hjá veikum börnum. Kjarasamningar kveða á um að foreldrar eigi rétt á að vera frá vinnu tólf daga á ári (96 klst.) vegna veikinda barna sinna yngri en 13 ára. Því til viðbótar er það stefna Samgöngustofu að reyna að koma til móts við aðstæður og þarfir starfsfólks þegar maki, foreldrar eða barn veikist eða slasast lífshættulega t.d. með sveigjanlegri vinnutíma. Þá skal starfsmaður eiga kost á launalausu leyfi við þær aðstæður sem hér greinir, umfram það sem tilgreint er um launað leyfi. Ákvörðun um slíkt skal tekin í hverju tilfelli fyrir sig. Þá er skilningur fyrir því að starfsfólk geti þurft að sækja ýmsa þjónustu á vinnutíma og er slíkt heimilað innan skynsamlegra marka. Þá ber að leitast við að halda yfirvinnu starfsfólks innan eðlilegra marka.

Kynbundið ofbeldi, kynbundin og kynferðisleg áreitni

Koma skal fram við alla samstarfsfélaga af virðingu. Kynferðisleg áreitni, einelti og annað ofbeldi er ekki liðið. Vísað er til skilgreiningar á kynbundinni kynferðislegri áreitni og kynbundnu ofbeldi í 2. gr. jafnréttislaga sem skilgreindar eru þannig:

• Kynbundin áreitni

  :

  Hegðun sem tengist kyni þess sem fyrir henni verður og hefur þann tilgang eða þau áhrif að misbjóða virðingu viðkomandi og skapa aðstæður sem eru ógnandi, fjandsamlegar, niðurlægjandi, auðmýkjandi eða móðgandi fyrir viðkomandi.

• Kynferðisleg áreitni

  : Hvers kyns kynferðisleg hegðun sem hefur þann tilgang eða þau áhrif að misbjóða virðingu þess sem fyrir henni verður, einkum þegar hegðunin leiðir til ógnandi, fjandsamlegra, niðurlægjandi, auðmýkjandi eða móðgandi aðstæðna. Hegðunin getur verið orðbundin, táknræn og/eða líkamleg.

Kynbundið ofbeldi: Ofbeldi á grundvelli kyns sem leiðir til eða gæti leitt til líkamlegs, kynferðislegs eða sálræns skaða eða þjáninga þess sem fyrir því verður, einnig hótun um slíkt, þvingun eða handahófskennda sviptingu frelsis, bæði í einkalífi og á opinberum vettvangi.

Starfsmaður sem verður fyrir einhvers konar misrétti skal leita til mannauðsstjóra, yfirmanns eða trúnaðarmanns og ber þeim aðila að aðstoða starfsmanninn tafarlaust í því máli. Verði starfsfólk vitni að slíku athæfi, t.a.m. kynferðislegu áreiti, einelti eða öðru ofbeldi skal tilkynna slíkt til mannauðsstjóra, næsta yfirmanns eða trúnaðarmanns. Ef yfirmaður er kærður vegna ætlaðrar kynferðislegrar áreitni á hann ekki, sbr. 14. grein jafnréttislaga að taka neinar ákvarðanir sem snerta kæranda. Kærandi skal engan skaða bera af ráðstöfunum sem gripið er til í því skyni.

Unnið skal markvisst að því að skapa menningu jafnréttis innan Samgöngustofu. Í því felst að skapa umhverfi þar sem hægt er að ræða opinskátt um menningu og staðalmyndir og hvernig hægt er að stuðla að fordómalausu samfélagi. Þannig skal umræða um kynferðislega áreitni og skilgreining þar á vera hluti af umræðum á hentugum vettvangi. Verklagsreglur um meðferð mála er varða kynferðislega áreitni skal vera aðgengileg í starfsmannahandbók og á innra neti og öllu starfsfólki ljóst hvert hægt er að leita eftir hjálp.

Kynjasamþætting Litið er til fræðsluefnis Jafnréttisstofu hvað kynjasamþættingu varðar og skal gæta hennar við alla stefnumótun og áætlanagerð Samgöngustofu. Til að ná því markmiði þarf fyrst og fremst að fræða starfsfólk og yfirmenn sérstaklega.

Jafnréttisfulltrúi og jafnréttisnefnd

Jafnréttisnefnd er tengiliður milli starfsfólks og yfirstjórnar, nefndin fylgir eftir aðgerðaráætlun jafnréttisáætlunar stofnunarinnar og tekur þátt í að fara yfir árleg gögn varðandi stöðu kynjanna innan Samgöngustofa. Nefndin vinnur í umboði yfirstjórnar og skal hafa formlegan fundarvettvang. Nefndin skal skipuð a.m.k. fjórum starfsmönnum, þar af einn jafnréttisfulltrúi. Hlutverk jafnréttisnefndar er að fylgjast með framkvæmd jafnréttisáætlunar, fara í september ár hvert yfir tölfræðileg gögn um stöðu kynjanna innan Samgöngustofu og endurskoða jafnréttisáætlunina í heild sinni á a.m.k þriggja ára fresti. Nefndin skal einnig taka þátt í kynningu á áætluninni gagnvart starfsmönnum, ásamt breytingum sem síðar kunnu að vera. Jafnréttisnefnd getur ávallt kallað til mannauðsstjóra inn á fundi sína og óskað eftir gögnum.

Greinagerð til Jafnréttisstofu

Árlega skal Jafnréttisstofu send greinargerð um framvindu jafnréttisáætlunar. Einnig skal árlega kynna stöðu mála fyrir starfsmönnum, ýmist með fræðslu og fyrirlestri eða stuttri greinargerð á innri vef.

Endurskoðun Jafnréttisáætlun skal endurskoða a.m.k. á þriggja ára fresti, næst árið 2025 og er það í höndum jafnréttisnefndar en það er á ábyrgð mannauðsstjóra að hafa forgöngu um starfið.

Jafnréttisáætlun þessi gildir frá 16. desember 2022.

Jón Gunnar Jónsson, forstjóri Samgöngustofu

STE-0014 útg. Nr. 1

Tilgangur og markmið jafnlaunastefnu er að stuðla að jafnrétti í samræmi við lög um jafna stöðu og jafnan rétt kynjanna nr. 150/2020. Skulu einstaklingar fá greitt fyrir störf sín út frá verðmæti starfa óháð kyni. Stofnunin tekur mið af kröfum til starfa og greiðir laun eftir umfangi og eðli þeirra. Launaákvarðanir skulu vera í samræmi við kjara- og stofnanasamninga og launakerfi stofnunarinnar, studdar málefnalegum rökum sem tryggja að sömu laun og sömu kjör séu greidd fyrir sambærileg eða jafnverðmæt störf.

Til þess að fylgja jafnlaunastefnunni eftir skuldbindur Samgöngustofa sig til að:

• Skjalfesta og viðhalda með eftirliti og stöðugum umbótum vottað jafnlaunastjórnunarkerfi í samræmi við kröfur staðalsins ÍST 85 og viðhalda jafnlaunavottun í samræmi við lög nr. 150/2020, um jafna stöðu og jafnan rétt kynjanna.

• Flokka störf út frá þeim kröfum sem þau gera og framkvæma árlega launagreiningu þar sem borin eru saman sömu eða jafnverðmæt störf og athugað hvort mælist óútskýrður kynbundinn launamunur. Kynna fyrir jafnréttisnefnd og öllu starfsfólki stofnunarinnar niðurstöður launagreiningar sem er til úttektar nema persónuverndarhagsmunir mæli gegn því.

• Fylgja ávallt lögum, reglum, kjara- og stofnanasamningum sem í gildi eru á hverjum tíma og staðfesta árlega að þeim sé hlítt.

• Framkvæma innri úttekt á öllum útgefnum skjölum sem tilheyra jafnlaunastjórnunarkerfi eigi sjaldnar en á þriggja ára fresti.

• Árlega skal setja jafnlaunamarkmið og rýna virkni jafnlaunastjórnunarkerfisins í rýni stjórnenda.

• Hafa jafnlaunastefnu aðgengilega á ytri vef Samgöngustofu bæði fyrir starfsfólk og almenning.

Jafnlaunastefna Samgöngustofu nær til alls starfsfólks og er jafnframt launastefna. Mannauðsstjóri er fulltrúi jafnlaunastjórnunarkerfis og skal starfsfólk leita til hans með athugasemdir eða fyrirspurnir.

STE-2699 útg. Nr. 3

Samgöngustofa stefnir á að vera til fyrirmyndar í loftslagsmálum með því að draga markvisst úr losun gróðurhúsalofttegunda (GHL) frá starfseminni og þeim áhrifum sem losunin hefur í för með sér. Samgöngustofa vill leggja sitt af mörkum til að markmiðum Parísarsamningsins sé náð og taka þannig virkan þátt í baráttunni við loftslagsbreytingar.

Fram til 2030 mun Samgöngustofa draga úr losun gróðurhúsalofttegunda um samtals 40% miðað við árið 2019. Samgöngustofa mun fyrst og fremst leggja áherslu á að draga úr losun í rekstri en einnig er stefnt að því að kolefnisjafna alla eftirstandandi losun með kaupum á vottuðum kolefniseiningum, eða með öðrum viðurkenndum leiðum, frá og með árinu 2020.

Stefna þessi tekur mið af skuldbindingum Íslenskra stjórnvalda gagnvart Parísarsamningnum og yfirlýsingu stjórnvalda um samdrátt í losun GHL og kolefnishlutleysi.

Stefnan nær til samgangna á vegum Samgöngustofu, orkunotkunar, úrgangsmyndunar og umhverfisfræðslu. Stefnan nær til allrar starfsemi Samgöngustofu, byggingar, mannvirkja, farartækja, framkvæmda o.þ.h.

Loftslagsstefna Samgöngustofa er rýnd á hverju ári af umhverfishóp Samgöngustofu og markmið uppfærð með tilliti til þróunar í losun GHL á milli ára. Stefnan er samþykkt af forstjóra og framkvæmdastjórn og upplýsingum um árangur aðgerða er miðlað á heimasíðu Samgöngustofu.

STE-0012 útg. Nr 1

Í samræmi við skilgreint hlutverk Samgöngustofu skv. 1. gr. laga nr. 119/2012 er markmið Samgöngustofu að stuðla að öryggum, sjálfbærum, greiðum og hagkvæmum samgöngum. Samgöngustofa vill leggja sitt af mörkum til að bæta umhverfi og heilsu starfsfólks stofnunarinnar sem og allra landsmanna. Samgöngustofa vill sýna gott fordæmi og efla vitund fólks um vistvænar samgöngur. Einnig hvetur Samgöngustofa alla til að sýna fyrirmyndar hegðun í umferðinni.

Leiðir

• Starfsfólks er hvatt til að nota almenningssamgöngur eða vistænan ferðamáta til og frá vinnu sem oftast.

• Starfsfólk Samgöngustofu sem tekur strætó, gengur eða hjólar til og frá vinnu getur skrifað undir samgöngusamning og fengið greiddan samgöngustyrk. Hámarksgreiðsla samgöngustyrks er 120.000 kr. pr. ár, mest greiddar 10.000 kr. hvern mánuð. Skilyrði fyrir greiðslu skv. skattmati ríkisskattstjóra, er að ferðast sé með vistvænum ferðamáta a.m.k. 80% af heildarfjölda ferða, það er að jafnaði fjórir dagar hverja heila vinnuviku. Hægt er að sækja um hálfan styrk nemi vistvænar ferðir a.m.k. 40% af heildarfjölda ferða eða tvo daga hverja heila vinnuviku.

• Framtíðarsýn er að geta boðið upp á góða aðstöðu á vinnustað fyrir þau sem stunda vistvænar samgöngur, t.d. með góðu fatahengi, sturtu og traustu hjólastæði.

• Starfsfólk notar bíla í eigu stofnunarinnar, strætisvagna eða leigubíla til að fara á fundi ef hentar, velja skal vistvænasta mátann hverju sinni.

• Starfsfólk skal samnýta ferðir á vinnutíma eins og kostur er.

• Þegar pantaðir eru leigu- eða bílaleigubílar skal óskað eftir vistvænum bílum.

• Samgöngustofa skal við bílakaup huga að eldsneytisgjafa og hafa hag umhverfisins og græn skref í huga.

• Samgöngustofa hvetur starfsfólk til að fjölga síma- og fjarfundum eins og kostur er.

• Samgöngustofa hvetur starfsfólk til að prufa fleiri en einn samgöngumáta til að ferðast til og frá vinnu og leggur þannig áherslu á fjölbreytileika samgangna.

• Fyrir starfsfólk sem að jafnaði notar vistvænan samgöngumáta greiðir Samgöngustofa leigubílakostnað í neyðartilvikum á vinnutíma, t.d. vegna veikinda barna.

• Samgöngustofa leggur sérstaka áherslu á lög og reglur um fyrirmyndahegðun þeirra sem stýra ökutækjum, skipum og flugvélum. Ölvun undir stýri skal aldrei líðast og starfsfólk Samgöngustofa ætti aldrei að láta slíkt líðast í sinni návist.

STE-0011 útg. Nr. 5

The quality policy of the Icelandic Transport Authority is shaped by the vision that the institution shall be a leader in professional administration and a culture of continuous improvement. The Icelandic Transport Authority strives to create a working environment where quality is an integral part of daily operations, staff share a common responsibility, and service to society is characterized by trust, efficiency, and accountability.

Our quality work is based on recognized standards and legal requirements that ensure professionalism, transparency, and continuous improvement. The Authority’s management system is founded on:

• ISO 9001 (Quality Management)

• ISO 27001 (Information Security)

• IST 85 (Equal Pay Standard)

Operations also comply with applicable laws, regulations, and international obligations relating to transport, public administration, and safety.

We work systematically to:

• Ensure transparency and consistency in our practices to provide responsible service

• Comply with laws, regulations, and international commitments

• Identify and implement improvements where needed

• Strengthen a culture of quality through collaboration, education, and professional support

Through robust quality management, the Icelandic Transport Authority aims to lead by example and serve society with responsibility, respect, and professionalism.

_{STE-0007, Rev. No. 2}