Þau umboð sem eru til staðar á Ísland.is eru eftirfarandi. 

Athugið að hvert umboð getur haft nokkur hlutverk:

Mínar síður: Veitir ákveðinn aðgang að mínum síðum lögaðila eftir því hvert hlutverk er notað:

• Allsherjarumboð: 

  Hefur heimild til að skoða allt undir Mínum síðum á Ísland.is ásamt pósthólfinu.

• Pósthólf: 

  Hefur heimild til að skoða þau skilaboð sem eru í pósthólfinu á Ísland.is.

• Launafulltrúi: 

  Hefur heimild til að skoða launagreiðendakröfur innan Fjármála sem sýna opinber gjöld utan staðgreiðslu sem dregin eru af starfsmönnum.

• Bókari: 

  Hefur heimild til að skoða stöðu við ríkissjóð og stofnanir, hreyfingar, greiðsluseðla og greiðslukvittanir innan Fjármála. Starfsmenn sveitarfélaga fá heimild til að skoða útsvar sem skilað er til sveitarfélagsins.

• Fjármálastjóri: 

  Hefur heimild til að skoða allt innan Fjármála, þ.e. stöðu við ríkissjóð og stofnanir, hreyfingar, greiðsluseðla, greiðslukvittanir og Launagreiðendakröfur. Fjármálastjóri sveitarfélags sér einnig útsvar sem skilað er til sveitarfélagsins.

Samráðsgátt: Veitir aðgang að því að skila inn umsögn fyrir lögaðila.

Umsagnarkerfi: Veitir aðgang að leyfisveitingagátt sem umsagnaraðili.

Umsóknarkerfi: Veitir aðgang sem umsækjandi að öllum umsóknum fyrir lögaðila. Umboð fyrir umsóknarkerfi er mest notaða umboðið, það þarf fyrir allar umsóknir sem krefjast innskráningar með rafrænum skilríkjum.

Umsýslukerfi: Veitir aðgang að leyfisumsóknum.

Öryggisbrestur: Veitir aðgang að því að tilkynna um öryggisbrest.