Fara beint í efnið

Stafrænt ADR-skírteini

Stafræn vinnuvélaskírteini með ADR-réttindum eru fyrir alla sem hafa réttindi til að flytja hættulegan farm og eiga snjallsíma. Skírteinin sanna fyrir lögreglu að stjórnandi ökutækis sé með gild vinnuvélaréttindi en á þeim koma fram sömu upplýsingar og á hefðbundnum vinnuvélaskírteinum. Í véla- og fyrirtækjaeftirliti Vinnueftirlitsins er jafnframt óskað eftir því að vinnuvélaskírteini sé framvísað.

Skírteinin gilda aðeins á Íslandi.

Þau eru fyrir notendur Android og iOS-síma en eingöngu er hægt að setja þau upp á einu símtæki í einu. Ef þau er sett upp í öðrum síma afvirkjast þau í tækinu sem þau voru í áður. 

Skírteinin hafa bæði framhlið og bakhlið. Á framhlið er að finna persónuupplýsingar skírteinishafa, útgáfudag og gildistíma en á bakhliðinni koma fram þeir réttindaflokkar sem viðkomandi er með.

Hvernig er sótt um og nánari upplýsingar

  • Sótt er um stafræn vinnuvélaskírteini hér að neðan. Notendur auðkenna sig með rafrænum skilríkjum. Með samþykki notenda fer sjálfvirkt umsóknarferli í gang og samstundis birtist tengill til að sækja skírteinið í símann.

  • Notendum Android-síma er bent á að sækja veski (e. Wallets) í símann áður en stafrænu vinnuvélaskírteini er hlaðið niður. Það er þegar til staðar í iPhone símum.

  • Þeim sem eru með A-, B-, D- og P-réttindi er bent á að kanna útgáfudag skírteinis og gildistíma réttinda á bakhlið. Ef meira en tíu ár eru liðin frá útgáfu skírteinis gæti verið að réttindin séu útrunnin. Þá þarf að sækja um endurnýjun áður en stafrænu skírteinin eru sótt.

  • Vinnueftirlitið sér um útgáfu og endurnýjun vinnuvélaréttinda.

Tengt efni

Aðgangsstýrð stafræn umsókn

Sækja um stafrænt vinnuvélaskírteini (ADR-réttindi)