15. júní 2022

Strandsvæðisskipulag Austfjarða 2022

Fyrir liggur tillaga að Strandsvæðisskipulagi Austfjarða 2022 sem kynnt er samkvæmt 12. gr. laga um skipulag haf- og strandsvæða nr. 88/2018. Í skipulagstillögunni er sett fram stefna um nýtingu svæðis sem nær yfir firði og flóa frá Almenningsfles í norðri að Hvítingum í suðri.

15. júní 2022

Strandsvæðisskipulag Vestfjarða 2022

Fyrir liggur tillaga að Strandsvæðisskipulagi Vestfjarða 2022 sem kynnt er samkvæmt 12. gr. laga um skipulag haf- og strandsvæða nr. 88/2018. Í skipulagstillögunni er sett fram stefna um nýtingu svæðis sem nær yfir firði og flóa frá Bjargtöngum í suðri að Straumnesi í norðri.

23. febrúar 2022

Breyting á reglugerð um gerð strandsvæðisskipulags

Innviðaráðherra undirritaði þann 1. febrúar 2022 reglugerð sem er breyting á reglugerð nr. 330/2020 um gerð strandsvæðisskipulags. Breytingin felur í sér skilgreiningu á nýtingarflokkum fyrir framsetningu strandsvæðisskipulags á uppdrætti og í greinargerð.

26. janúar 2022

Magnús Jóhannesson nýr formaður svæðisráða

Sigurður Ingi Jóhannesson hefur nú skipað Magnús Jóhannesson formann svæðisráða um gerð strandsvæðisskipulags á Austfjörðum og Vestfjörðum.

10. desember 2021

Málefni haf- og strandsvæðisskipulags færast frá umhverfis- til innviðaráðherra

Samkvæmt forsetaúrskurði um skiptingu stjórnarráðsins sem birtur var 28. nóvember sl. færast lög um skipulag haf- og strandsvæða og þar með málefni sem varða haf- og strandsvæðisskipulag undir nýtt embætti innviðaráðherra, en heyrðu áður undir umhverfis- og auðlindaráðherra.

16. apríl 2021

Fjölbreytt starfsemi og fjölskrúðugt fuglalíf og náttúra á strandsvæðum Austfjarða og Vestfjarða

Skipulagsstofnun hefur gefið út forsendu- og samráðsskýrslur vegna vinnu við gerð strandsvæðisskipulags á Austfjörðum og Vestfjörðum. Fjölbreytt starfsemi og auðlindanýting fer fram á skipulagssvæðunum auk þess sem þau eru nýtt til útivistar af ýmsum toga. Að svæðunum liggja mikilvæg fuglasvæði og fjöldi selalátra, ásamt svæðum sem vernduð eru vegna gróðurfars, landslags, dýralífs og náttúruminja.

5. mars 2021

Landsskipulagstillaga afhent umhverfis- og auðlindaráðherra

Ásdís Hlökk Theodórsdóttir, forstjóri Skipulagsstofnunar, hefur afhent Guðmundi Inga Guðbrandssyni, umhverfis- og auðlindaráðherra, tillögu Skipulagsstofnunar að viðauka við Landsskipulagsstefnu 2015–2026. Í tillögunni er sett fram stefna um loftslagsmál, landslag og lýðheilsu í tengslum við framkvæmd skipulagsmála. Þær áherslur sem þar eru settar fram fléttast með ýmsum hætti saman við viðfangsefni gildandi landsskipulagsstefnu sem samþykkt var á Alþingi árið 2016 og tekur til skipulagsmála á miðhálendinu, í dreifbýli og þéttbýli og á haf- og strandsvæðum.

15. september 2020

Tillaga Hafrannsóknastofnunar að eldissvæðum vegna fiskeldis í Arnarfirði

Skipulagsstofnun hefur veitt Hafrannsóknastofnun umsögn um tillögu að eldissvæðum vegna fiskeldis í Arnarfirði. Skipulagsstofnun er lögbundinn umsagnaraðili þegar Hafrannsóknastofnun tekur ákvörðun um afmörkun eldissvæða samkvæmt 4. gr. a laga nr. 71/2008 um fiskeldi.

14. ágúst 2020

Athugasemdir við tillögu Hafrannsóknastofnunar að eldissvæðum vegna fiskeldis í Arnarfirði

Skipulagsstofnun auglýsti þann 3. júlí tillögu Hafrannsóknastofnunar að eldissvæðum vegna fiskeldis í Arnarfirði í samræmi við 4. gr. a í lögum um fiskeldi. Kynningartími var til 7. ágúst síðastliðin.

7. júlí 2020

Umsagnir svæðisráða um framkomnar athugasemdir við lýsingu

Lýsingar fyrir gerð strandsvæðisskipulags á Austfjörðum og Vestfjörðum voru auglýstar 7. maí og jafnframt kynntar á opnum kynningarfundum sem streymt var á Facebooksíðu Skipulagsstofnunar. Svæðisráðin hafa unnið samantekt af skriflegum athugasemdum sem bárust á kynningartíma og umsögn svæðisráðanna um þær.