Kjósandi gerir grein fyrri sér með skilríkjum eða á annan fullnægjandi hátt á kjörstað og fær afhent:

• kjörseðil

• umslag utan um kjörseðilinn

• fylgibréf með kjörseðlinum

• annað umslag fyrir póstsendingu

Kjörseðill við kosningu utan kjörfundar er auður, á honum eru ekki nöfn framboða. Kjósandi skrifar eða stimplar nafn þess framboðs sem hann vill kjósa á seðilinn.

Fylgibréfið með kjörseðlinum, þar sem fram koma upplýsingar um kjósandann og hvert atkvæðið á að berast, þarf að vera undirritað af kjósanda og kjörstjóra.

Kjósandi ber ábyrgð á að koma atkvæðinu sínu á réttan stað. Hægt er að setja bréfið í póst, eða afhenda það einhverjum sem kjósandi felur að koma því til skila. Fram að kjördegi er kjörstjóra skylt, ef kjósandi óskar þess, að koma bréfinu í póst.

Atkvæðabréfið skal senda til sveitarfélagsins þar sem kjósandi var síðast á kjörskrá.
Á kjördag er hægt að skila atkvæði á einhvern kjörstað innan saman kjördæmis.

• Hér má finna heimilisföng sveitarfélaga.

Kjósandi sem greiðir atkvæði hjá sýslumanni í umdæmi þar sem hann er á kjörskrá getur sett bréfið í atkvæðakassa þar.

Við sérstakar aðstæður getur verið heimilt að kjósa inni á stofnunum, líkt og t.d.:

• sjúkrahúsum

• dvalarheimilum aldraðra

• stofnunum fyrir fatlað fólk

• fangelsum

Sýslumaður auglýsir hvar og hvenær hægt er að kjósa á viðeigandi stöðum þegar nær dregur.

Hér er hægt að skoða leiðbeiningar varðandi framkvæmd utankjörfundaratkvæðagreiðslu á sjúkrahúsi, dvalarheimilum, stofnunum fyrir fatlað fólk og í fangelsum.

Ef kjósandi getur ekki kosið á kjördegi vegna sjúkdóms, fötlunar eða barnsburðar er heimilt að kjósa í heimahúsi.

Sækja þarf skriflega um að fá að greiða atkvæði í heimahúsi til sýslumanns fyrir klukkan 10:00 tveimur dögum fyrir kjördag. Lögráða einstaklingur þarf að staðfesta hagi umsækjanda, þ.e. að viðkomandi geti ekki sótt kjörfund vegna sjúkdóms, fötlunar eða barnsburðar. Hægt er að kjósa í fyrsta lagi þremur vikum fyrir kjördag. Ósk um að kjósa í heimahúsi þarf að berast til kjörstjóra í síðasta lagi tveimur dögum fyrir kjördag.

Netföng embætta sýslumanna:

• Höfuðborgarsvæðið - smh@syslumenn.is

• Vesturland - vesturland@syslumenn.is

• Vestfirðir - vestfirdir@syslumenn.is

• Norðurland vestra - nordurlandvestra@syslumenn.is

• Norðurland eystra - nordurlandeystra@syslumenn.is

• Austurland - austurland@syslumenn.is

• Suðurland - sudurland@syslumenn.is

• Vestmannaeyjar - vestmannaeyjar@syslumenn.is

• Suðurnes - vestmannaeyjar@syslumenn.is