Tilgangur vinnslu persónupplýsinga landskjörstjórnar um meðmælendur er að meta gildi framboða eða framboðslista og meðmæla sem þeim fylgja í samræmi við lagaskyldu. 

Landskjörstjórn vinnur með persónuupplýsingar um meðmælendur framboða og framboðslista. Þær upplýsingar sem unnið er með eru auðkennisupplýsingar, þ.e. nöfn, kennitölur og lögheimili, og upplýsingar um hvaða framboð eða framboðslista viðkomandi styður. Landskjörstjórn safnar einnig, eins og við á, persónuupplýsingum sem flokkast sem viðkvæmar persónuupplýsingar um stjórnmálaskoðun meðmælanda samkvæmt yfirlýsingum hans um stuðning við tiltekið framboð eða framboðslista vegna kosninga.  

Auðkennaupplýsingar um meðmælanda eru keyrðar saman við upplýsingar frá Þjóðskrá Íslands í þeim tilgangi að kanna hvort meðmælandi uppfylli skilyrði þess að geta mælt með framboði eða framboðslista í samræmi við kosningalög. 

Hér er hægt að nálgast persónuverndaryfirlýsingu landskjörstjórnar í heild sinni