Umsókn um útflutning á geislavirku efni

Útflutningur á geislavirkum efnum er háður leyfi Geislavarna ríkisins.

Flutningsmiðlun eða notandi geislavirks efnis sækir um leyfi til útflutnings.

Fylgigögn

Áður er sótt er um þarf:

• staðfestingu um mótttökuaðila geislavirka efnisins ytra, nafn fyrirtækis, nafn og netfang tengiliðs

• upplýsingar um flutningsmiðlun, til dæmis nafn fyrirtækis, nafn og netfang tengiliðs

• nákvæmar upplýsingar um efnið, til dæmis kjarntegund, virkni og umbúðir

• upplýsingar um tæki sem geislavirka efnið er í ef við á

Vinnslutími umsóknar

Vinnslutími er almennt tvær vikur frá því að öll nauðsynleg gögn hafa borist.

Ef það vantar gögn er kallað eftir þeim í tölvupósti.