Athugið! Samgöngustofa hefur tekið í notkun nýtt kerfi fyrir afgreiðslu undanþága. Umsóknarferli helst óbreytt að mestu en vakin er athygli á eftirfarandi breytingum:
Aðeins er hægt að sækja um undanþágu fyrir einn bíl eða eina vagnlest hverju sinni
Sé sótt um þyngdarundanþágu þarf að skrá bil milli ása í umsókn
Umsækjandi þarf að setja inn greinargóða leiðarlýsingu frá upphafsstað til áfangastaðar
Undanþágur berast áfram í tölvupósti
Sækja má um undanþágu frá reglum um lengd, breidd, hæð, heildarþyngd og ásþunga ökutækis til Samgöngustofu. Þetta á við:
Þegar nauðsyn þykir bera til, vegna óskiptanlegra eða sérstakra flutninga sem ekki geta með góðu móti farið fram með öðrum hætti
Varðandi undanþágu frá lengd, breidd og hæð á skiptanlegum farmi ef augljós hagkvæmnisrök mæla með slíkum flutningum
Flutning á farþegum í sérstökum tilvikum á styttri leiðum þegar nauðsyn krefur, meðal annars til að tryggja öryggi farþega, enda sé umferðaröryggi ekki skert eða aukin hætta á skemmdum á vegamannvirkjum.
Óska þarf eftir undanþágu þegar:
Heildarhæð farms er meira en 4,20 metrar
Heildarbreidd farms er meira en 2,55 metrar
Lengd bíls er meira en 12 metrar
Heildarlengd vagnlestar (bíll + vagn) er meira en 18,75 metrar
Heildarþyngd fer eftir aðstæðum hverju sinni. Sjá frekar í reglugerð
Athugið. Listinn hér fyrir ofan er ekki tæmandi en á við um algengustu dæmin um undanþágur. Sjá frekar í reglugerð um stærð og þyngd ökutækja.
Hvenær þarf samþykki lögreglu?
Þegar farmur er af eftirfarandi stærð þá þarf að fá samþykki eða hafa samráð við lögreglu vegna lögreglufylgdar:
Hæð farms er 5,50 metrar eða meira
Samgöngustofa óskar eftir umsögn frá Landsneti vegna flutninga sem eru 6,0 metrar og hærri vegna raflína á flutningsleiðum sem eru utan höfuðborgarsvæðisins
Samgöngustofa óskar eftir umsögn frá Rarik vegna flutninga sem eru 5,50 metrar og hærri vegna raflína á flutningsleiðum sem eru utan höfuðborgarsvæðisins
Flutningsaðili ber ábyrgð á að kanna raflínur á flutningsleið hjá öðrum veitum þegar svo ber undir
Breidd farms er 3,50 metrar eða meira
Heildarlengd vagnlestar er 30 metrar eða meira
Í einstaka tilfellum þegar gefin er undanþága fyrir sérstaklega þungum flutningi
Á einnig við um fylgd í gegnum jarðgöng, ef stöðva þarf umferð um brýr vegna flutninga og fleira
Húsflutningar sem þarfnast samþykki lögreglu
Þegar verið er að flytja hús eða mannvirki sem á að færa á varanlegan stað þarf staðfesting frá byggingarfulltrúa eða stöðuleyfi að fylgja umsókninni. Þetta á við þegar verið er að flytja íbúðarhús, gestahús, sumarbústað, garðhús, frístundahús eða því um líkt.
Lög og reglur
Þjónustuaðili
Samgöngustofa