Svefn og hvíld - ráðleggingar embættis landlæknis

• Svefnþörf getur verið mismunandi en mælt er með því að fullorðnir sofi 7-9 klukkustundir á nóttu.

• Að vakna úthvíldur að morgni er besti mælikvarðinn á það hvort verið sé að uppfylla svefnþörf.

• Æskilegur svefntími fyrir hvert aldursskeið

Góðar svefnvenjur stuðla að góðum svefni.

Mikilvægt er að:

• hafa reglu á svefni – vakna og sofna á sama tíma

• forðast að leggja sig á daginn, sérstaklega eftir klukkan 14

• slaka á, róa hugann og deyfa lýsingu fyrir svefni

• forðast neyslu koffíndrykkja að minnsta kosti 6 klukkustundum fyrir háttatíma. Ágæt venja er að drekka ekki koffíndrykki eftir klukkan 14:00

• draga úr skjánotkun 2 klukkustundum fyrir svefn

• hreyfing sé regluleg yfir daginn því það bætir svefn. Varast ætti að hreyfa sig með mikilli ákefð rétt fyrir svefn

Áfengisdrykkja og notkun nikótíns hefur truflandi áhrif á svefn.

Mikilvægt er að huga að svefnumhverfinu og að það styðji við svefn.

Í svefnherbergi ætti að:

• vera hæfilega svalt – jafnvel opinn gluggi

• vera myrkur

• vera hljóðlátt

• forðast skjátæki