Frá og með 19. september 2025 birtast bréf og gögn frá umboðsmanni skuldara birtast þjónustunotendum í stafræna pósthólfinu á Ísland.is.

Birting þessi er í samræmi við lög nr. 105/2021 um stafrænt pósthólf í miðlægri þjónustugátt stjórnvalda.

Í stafrænu pósthólfi birtast hvers konar gögn, sem verða til við meðferð máls hjá stjórnvöldum, svo sem bréf og ákvarðanir. Opinberum aðilum er heimilt að birta í stafrænu pósthólfi bæði almennar og viðkvæmar persónuupplýsingar einstaklinga eins og þær eru skilgreindar í lögum um persónuvernd og vinnslu persónuupplýsinga.

Umboðsmaður skuldara birtir eftirfarandi bréf og gögn í stafrænu pósthólfi

• Andmælabréf vegna greiðsluaðlögunar

• Synjun í greiðsluaðlögun

• Samþykki í greiðsluaðlögun.

• Andmælabréf vegna fjárhagsaðstoðar

• Synjun um fjárhagsaðstoð

• Samþykki í fjárhagsaðstoð og gögn.

• Andmælabréf vegna niðurfellingu greiðsluaðlögunarumleitana

• Ákvörðun um niðurfellingu greiðsluaðlögunarumleitana

• Ákvörðun um að mæla gegn nauðasamningi

• Frumvarp og gögn vegna nauðasamnings

• Greiðsluaðlögunarsamning og greiðsluáætlun.

• Andmælabréf vegna beiðni um breytingu á greiðsluaðlögunarsamningi

• Ákvörðun um synjun á milligöngu um breytingu á greiðsluaðlögunarsamningi

• Samþykkt tillaga um breytingu á greiðsluaðlögunarsamningi

• Ákvörðun um samþykki kröfu um breytingu á greiðsluaðlögunarsamningi

• Ákvörðun um synjun kröfu um breytingu á greiðsluaðlögunarsamningi

• Ákvörðun um samþykki á kröfu kröfuhafa um breytingu á greiðsluaðlögunarsamningi

• Ákvörðun um synjun á kröfu kröfuhafa um breytingu á greiðsluaðlögunarsamningi

Réttaráhrif birtingar Gagn í stafrænu pósthólfi telst birt þegar það er orðið aðgengilegt í stafrænu pósthólfi viðtakanda. Ítarlegri upplýsingar og leiðbeiningar um notkun á Stafræna pósthófinu eru á vef island.is.

Hnipp Hnipp er þjónusta sem sendendum stendur til boða til að láta viðtakendur vita með tölvupósti að nýtt skjal bíði þeirra í pósthólfi. Viðtakendur geta tekið afstöðu til hnipps í stillingum efst í hægra horni á mínum síðum/pósthólfi. Hnippt er með tölvupósti:

• ef sendandi óskar

• og viðtakandi hefur ekki afþakkað hnipp