Fara beint í efnið

Stafrænt Ísland

Umsókn um fæðingarorlof í gegnum Ísland.is

20. júlí 2021

Umsókn um fæðingarorlof hefur síðustu ár verið framkvæmd í gegnum Vinnumálastofnun. Þar sækja verðandi foreldrar um fæðingarorlof eða fæðingarstyrk ásamt viðbótarréttindum eigi það við.

Átt þú von á barni?

Til þess að fækka skrefum í ferlinu og einfalda það til muna, þannig að notendaupplifun verði sem best og úrvinnsla umsókna verði sem hagkvæmust, verður til ein umsókn sem inniheldur allar upplýsingar sem skila þarf inn fyrir umsókn um fæðingarorlof.


Í grunninn er fæðingarorlofið sem slíkt ekki flókið. En umsóknarferlið felur í sér samspil ótengdra og ólíkra kerfa, mismunandi réttinda umsækjenda, mismunandi tilhögun umsækjenda, samþykkis ytri aðila í ferlinu og beiðnir um frekari gögn eftir að umsókn hefur verið skilað inn. Að einfalda slíkt kerfi hefur reynst erfitt en stöðugar ítranir og umbætur gera okkur kleift að komast nær takmarkinu.


Mikill tímasparnaður og hagræðing, bæði fyrir umsækjendur og úrvinnsluaðila. Öll gögn umsóknar verða á einum stað í stað þess að vera á 4-5 eyðublöðum, auk viðbótargagna í tölvupóstum eins og raunin er í dag. Samskipti allra aðila í gegnum island.is, óháð því hvaðan gögn koma eða fara. Upplifun verðandi foreldra verður betri og úrvinnslan einfaldari.


Umsóknina er að finna hér:
Þróunarteymið Aranja vinnur að verkefninu í samstarfi við Vinnumálastofnun og Stafrænt Ísland.