Stafrænu skrefin eru hvatningarverðlaun fyrir opinbera aðila sem nýta sameiginlegar lausnir Stafræns Íslands til að byggja upp stafræna þjónustu fyrir notendur. Skrefin eru alls níu og táknræn fyrir kjarnaþjónusturnar sem standa opinberum aðilum til boða: Stafræna pósthólfið, innskráningar- og umboðskerfið, Ísland.is appsins, Umsóknakerfið, Mínar síður á Ísland.is, Straumurinn (X-Road), vefur innan Ísland.is, Þjónustukerfi og AI aðstoð

Mikilvægar framfarir

Tryggingastofnun er ein stærsta þjónustustofnun landsins en hlutverk hennar er að annast ýmiskonar greiðslur úr almannatryggingakerfinu og vegna ýmiskonar félagslegrar aðstoðar. Stofnunin greiðir meðal annars í hverjum mánuði til tæplega 77 þúsund einstaklinga sem rétt eiga á ellilífeyri, örorkulífeyri eða sjúkra- og endurhæfingargreiðslum.

Í fyrra afgreiddi stofnunin tæplega 33 þúsund erindi, ráðgjafar tóku rúmlega 78 þúsund símtöl og 22 þúsund viðtöl fóru fram í þjónustumiðstöð TR. Stofnunin hefur verið í miklum umbóta- og breytingafasa að undanförnu, ekki aðeins með innleiðingu stafrænu lausnanna heldur einnig stórri kerfisbreytingu sem var eitt stærsta umbótaverkefni í almannatryggingum í áratugi þegar nýtt örorku- og endurhæfingakerfi tók gildi síðastliðið haust.

Innleiðing allra níu skrefanna er mikilvægur liður í að gera þjónustu Tryggingastofnunar einfaldari og aðgengilegri fyrir afar fjölbreyttan hóp notenda.

Viðurkenningar ársins 2026

Alls tóku fulltrúar þriggja opinberra aðila við viðurkenningum vegna stafrænna skrefa á Tengjum ríkið í ár. Forstjóri Tryggingastofnunar, Huld Magnúsdóttir, tók við viðurkenningu enda hafa þau nú stigið öll skrefin níu, en fyrir hönd Landspítalans komu Björn Jónsson og Adeline Tracz á svið og tóku við viðurkenningum fyrir sjö skref. Þá hlaut Vinnumálastofnun viðurkenningu fyrir sex skref en fyrir þeirra hönd mætti Gísli Davíð Karlsson.

Staðan nú

Alls hafa nú 23 opinberir aðilar stigið fimm eða fleiri Stafræn skref.

Níu skref

• Tryggingastofnun

• Samgöngustofa

• Sjúkratryggingar

• Sýslumenn

Átta skref

• Fjársýsla ríkisins

• Vinnueftirlit ríkisins

Sjö skref

• Embætti landlæknis

• Landspítali

• Lögreglan

• Miðstöð menntunar og skólaþjónustu

• Húsnæðis-, mannvirkja- og skipulagsstofnun

Sex skref

• Háskóli Íslands

• Þjóðskrá Íslands

• Útlendingastofnun

• Vinnumálastofnun

Fimm skref

Átta opinberir aðilar hafa stigið fimm Stafræn skref:

• Sjúkrahúsið á Akureyri

• Skatturinn

• Umhverfis- og orkustofnun

• Ríkissaksóknari

• Vegagerðin

• Gæða- og eftirlitsstofnun velferðarmála

• Fiskistofa

• Náttúruhamfaratrygging Íslands.

Nánar um Stafræn skref opinberra aðila