Sjúkratryggingar eru lykilstofnun í íslensku heilbrigðiskerfi sem tryggir réttindi sjúkratryggðra og jafnt aðgengi að góðri og hagkvæmri heilbrigðisþjónustu með það að leiðarljósi að vernda heilbrigði.

Sjúkratryggingar miðla með samningum og greiðslukerfum miklum meirihluta þess fjármagns sem rennur til íslenskrar heilbrigðisþjónustu, um 300 milljarða kr. á ári. Hagkvæm og góð nýting þessara fjármuna er einn lykilþáttur í að tryggja árangur heilbrigðisþjónustunnar.

Framkvæmdastjórar verða hluti af stjórnendateymi Sjúkratrygginga og eiga sæti í fimm manna framkvæmdastjórn. Framkvæmdastjórar heyra beint undir forstjóra og bera ábyrgð á uppbyggingu og þróun ásamt daglegri stjórnun.

Miklar breytingar standa nú yfir hjá Sjúkratryggingum sem ætlað er að efla starfsemina til að bæta árangur og gæði. Ef þú býrð yfir metnaði til að leiða og móta mikilvæga starfsemi innan íslenska heilbrigðiskerfisins í gagnadrifnu, umbótamiðuðu og lifandi umhverfi hvetjum við þig til að sækja um.

Framkvæmdastjóri – Fjármál og eftirlit

Framkvæmdastjóri fjármála og eftirlits annast lykilverkefni á sviði fjármálastjórnunar, innra og ytra eftirlits, áhættustýringar og stuðnings við stefnumótun og ákvarðanatöku. Starfið felur í sér einstakt tækifæri til að móta mikilvægan þátt í starfsemi Sjúkratrygginga og stuðla að markvissri nýtingu opinbers fjár í heilbrigðiskerfinu.

Helstu verkefni og ábyrgð

Ábyrgð á fjármálum og reikningshaldi sjúkratrygginga með það að markmiði að tryggja góða nýtingu þeirra 300 milljarða sem stofnunin ber ábyrgð á

Áætlanagerð fjárlagaliða sjúkratrygginga og reglubundin uppgjör ásamt frávikagreiningu og eftirfylgni gagnvart frávikum frá áætlun

Greining og miðlun fjármálaupplýsinga til stuðnings stefnumótunar og ákvarðanatöku

Yfirsýn yfir alla greiðsluferla sjúkratrygginga og ráðstafanir til að auka hagkvæmni og öryggi þeirra

Uppbygging og efling áhættustýringar í samstarfi við áhættustjóra

Stefnumótun og þróun innra- og ytra eftirlits stofnunarinnar

Menntunar- og hæfniskröfur

Háskólamenntun sem nýtist í starfi, meistaragráða er kostur

Framúrskarandi leiðtoga- og samskiptahæfni sem endurspeglast m.a. í drifkrafti, frumkvæði, umbótamiðaðri hugsun og farsælli stjórnunarreynslu

Umfangsmikil reynsla af fjármálastjórnun í krefjandi umhverfi

Farsæl reynsla af stefnumótun, breytingastjórnun, stafrænni umbreytingu fjármála og uppbyggingu liðsheildar

Framúrskarandi greiningarhæfni, lausnamiðuð hugsun og geta til að miðla flóknum upplýsingum á íslensku og ensku í ræðu og á riti

Þekking og reynsla af uppbyggingu og þróun eftirlitskerfa er kostur

Þekking og reynsla af opinberum fjármálum og stjórnsýslu er kostur

Framkvæmdastjóri – Þjónusta

Sjúkratryggingar veita miklum meirihluta landsmanna beina eða óbeina þjónustu á ári hverju. Starfið felur því í sér einstakt tækifæri til að móta mikilvægan þátt í starfsemi Sjúkratrygginga og stuðla að aðgengilegri, skilvirkri og faglegri þjónustu innan heilbrigðiskerfisins.

Um er að ræða lykilstöðu þar sem unnið er að þróun þjónustu, einföldun ferla og stuðningi við stefnumótun og ákvarðanatöku. Markviss þjónusta stofnunarinnar gagnvart notendum heilbrigðisþjónustunnar er einn lykilþáttur í að tryggja árangur hennar.

Á sviðinu starfa um 60 manns. Meðal hlutverka sviðsins er að taka ákvörðun um rétt fólks til þess að nýta tiltekna heilbrigðisþjónustu bæði hér á landi og erlendis. Þá annast sviðið afgreiðslu umsókna um greiðslur vegna sjúklinga- og slysatrygginga. Árlega eru afgreiddar nálægt því ein umsókn á hvern landsmann. Stjórnandi stuðlar að góðri þjónustuupplifun allra þeirra sem þurfa að hafa samskipti við Sjúkratryggingar.

Helstu verkefni og ábyrgð

Stýra þjónustusviði og stuðla að góðri og heildstæðri þjónustuupplifun allra þeirra sem eiga samskipti við Sjúkratryggingar, hvort sem um er að ræða einstaklinga eða fagaðila

Hafa yfirumsjón með verkefnum þjónustumiðstöðvar sem annast framlínuþjónustu Sjúkratrygginga

Stuðla að miðlun skýrra og aðgengilegra upplýsinga um sjúkratryggingar til einstaklinga og fagaðila

Leiða umbætur í þróun þjónustu og þjónustuferla meðal annars með innleiðingu á aukinni sjálfvirkni og gervigreindarlausnum

Tryggja markvissa málsmeðferð og að ákvarðanir samræmist regluverki, lögum og öðrum viðmiðum

Greina og miðla upplýsingum um þjónustu til stuðnings stefnumótunar og ákvarðanatöku

Menntunar- og hæfniskröfur

Háskólamenntun sem nýtist í starfi, meistaragráða er kostur

Framúrskarandi leiðtoga- og samskiptahæfni sem endurspeglast m.a. í drifkrafti, frumkvæði, umbótamiðaðri hugsun og farsælli stjórnunarreynslu

Umfangsmikil reynsla af uppbyggingu og þróun þjónustu og þjónustuferla

Farsæl reynsla af stefnumótun, breytingastjórnun, stafrænni umbreytingu og uppbyggingu liðsheildar

Framúrskarandi greiningarhæfni, lausnamiðuð hugsun og geta til að miðla flóknum upplýsingum á íslensku og ensku í ræðu og á riti

Þekking og reynsla af opinberri stjórnsýslu er kostur

Þekking og reynsla af heilbrigðisþjónustu er kostur

Frekari upplýsingar

Umsókn þarf að fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og hæfni umsækjanda til að gegna starfinu. Áhugasamir einstaklingar, óháð kyni eru hvattir til að sækja um starfið.

Sótt er um starfið á Starfatorgi ríkisins á www.starfatorg.is. Öllum umsóknum verður svarað þegar niðurstaða um ráðningu liggur fyrir. Ráðning tekur mið af jafnréttisáætlun stofnunarinnar. Umsókn gildir í 6 mánuði frá lokum umsóknarfrests. Upplýsingar um stofnunina má finna á heimasíðu hennar www.sjukra.is.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert. Starfshlutfall er 100%

Umsóknarfrestur er til og með miðvikudagsins 15. apríl 2026

Nánari upplýsingar í gegnum mannaudur@sjukra.is