Gert er ráð fyrir útvíkkun á starfseminni frá því sem verið hefur undanfarin ár og mun þjónusta sjúkraflugs nú ná til landsins alls, í stað norðursvæðis og Vestmannaeyja á undanförnum árum.

Umfang sjúkraflugs innanlands fer sífellt vaxandi og á síðastliðnum áratug hefur fjöldi verkefna nánast tvöfaldast. Árið 2012 nam fjöldi verkefna 452 en á síðasta ári var hann 888. Þá hefur sjúkraflutningum með þyrlum Landhelgisgæslunnar fjölgað á sama tímabili auk þess sem þær sinna fjölmörgum á vettvangi vegna slysa ýmiskonar.

Nýr samningur um sjúkraflug mun taka gildi um næstu áramót og gildir hann til þriggja ára með heimild til framlengingar í allt að fimm árum.