Fundurinn var haldinn á Samskiptamiðstöð heyrnarlausra og heyrnarskertra, að frumkvæði Málnefndar um íslenskt táknmál og með styrk frá Menningar-, nýsköpunar- og háskólaráðuneyti.

Fundinn sóttu fulltrúar úr samstarfshópi um málstefnu íslensks táknmáls auk annarra fulltrúa frá Samskiptamiðstöð, Félagi heyrnarlausra, Málnefnd um íslenskt táknmál, Hlíðaskóla og Leikskólanum Sólborg.

Dr. Filipe Venade de Sousa, lagaprófessor sem sérhæfir sig í réttindum döff fólks og viðurkenningu táknmála var fenginn til landsins í þeim tilgangi að sitja fundinn með hópnum og rýna í stöðu íslensks táknmáls og lagaumhverfi þess hér á landi.

Megin niðurstaða fundarins var sú að þótt margt hafi áunnist í þágu döff fólks og íslensks táknmáls á undanförnum árum og áratugum eru víða brotalamir í lagaumgjörðinni sem tryggja ekki tungumálarétt táknmálstalandi fólks hér á landi.

Hér má sjá viðtal sem tekið var við Dr. Filipe: Dr. Filipe