Landskjörstjórn hefur fengið Samskiptamiðstöð til að táknmálstúlka efni á vefnum kosning.is. Þar er að finna ýmsar upplýsingar um þjóðaratkvæðagreiðslu um aðildarviðræður við ESB þann 29. ágúst næstkomandi. Til að finna táknmálsviðmót síðunnar er smellt á „Táknmál“ efst í hægra horni síðunnar. Það voru táknmálstúlkarnir Árný Guðmundsdóttir og Elsa G. Björnsdóttir sem sáu um táknmálstúlkun textans og Guðni Rósmundsson kvikmyndatökumaður sem sá um upptökur og myndbandavinnslu. Við vekjum athygli á því að myndböndin eru táknmálstúlkuð en ekki táknmálsþýdd og eru öll myndbönd merkt því til aðgreiningar. Við hvetjum öll sem hafa kosningarétt til að kynna sér efni síðunnar kosning.is en allur texti á síðunni er unninn af Lagastofnun Háskóla Íslands.