Böðvar og Jósef voru skólabræður úr Heyrnleysingjaskólanum í Stakkholti, báðir fæddir 1941 og hefðu því orðið 85 ára á þessu ári. Þeir eru báðir látnir, Jósef lést árið 2012 en Böðvar 2019.

Böðvar og Jósef voru báðir virkir meðlimir í Félagi heyrnarlausra og má oft sjá þeim bregða fyrir á óformlegum myndböndum þaðan. Þeir lögðu einnig sitt af mörkum með formlegri hætti fyrir SHH með því að taka þátt í rannsóknum og viðtölum. Myndböndin með þeim félögum spanna um 50 ára tímabil, allt frá upp úr 1960 til ársins 2010 og eru því mikilvægur hluti af sögu ÍTM. Um er að ræða viðtöl og frásagnir, auk ferðalaga og spjalls milli vina.

Myndböndin sem nú eru birt á SignWiki eru birt með leyfi fjölskyldna Böðvars og Jósefs. Þau eru liður í stefnu SHH 2026-2029 og fjármálaáætlun stjórnvalda 2026-2030, þar sem lögð er áhersla á varðveislu málsins og aðgengi almennings að ÍTM menningararfi þjóðarinnar.

Myndböndin má sjá hér: Flokkur:Málhafar ÍTM, fæddir 1941-1961 - SignWiki