Í rannsókn sinni nýtti Finnur ÍTM-gögn úr SignWiki til að kanna hvernig máltæknilausnir geta greint tákn. Ritgerðin er nú aðgengileg á netinu með ágripi á bæði íslensku og ÍTM í þýðingu Árnýjar Guðmundsdóttur.

SignWiki-gögnin sem Finnur studdist við hafa jafnframt verið birt á CLARIN-IS, varðveislusvæði fyrir íslensk tungumálagögn og máltæknihugbúnað. Þetta eru fyrstu gögnin á íslensku táknmáli sem birtast þar og markar það mikilvægt skref í að gera íslensk táknmálsgögn aðgengileg til rannsókna og þróunar á máltækni.

Við óskum Finni til hamingju með þennan áfanga!